ТӘУЕЛСІЗ ЕЛДІҢ ЖАЛЫНДЫ ЖАСТАРЫМЫЗ
ҚР Тәуелсіздігінің 30 жылдығына орай Ақтөбе облысы, Шалқар аудандық білім қызметкерлері кәсіподақ ұйымының ұйымдастыруымен «Тәуелсіз елдің жалынды жастарымыз!» атты аудандық танымдық сайыс өткізілді.
Оған еліміз егемендікке қол жеткізген тұста дүние есігін ашқан, бүгінде білім саласының дамуына үлес қосып жүрген тәуелсіздік құрдастары қатысты. Сайыс ел тарихын білу, ұлттық құндылықтарды дәріптеу, ынтымақтастық қарым-қатынасты нығайту мақсатында ұйымдастырылды.
Қатысушылар «Алаш», «Жерұйық», «Мәңгілік ел» атауларымен топқа бөлініп, сайыстың І бөлімінде «Дәстүр», «Тәуелсіздікке 30 жыл», «Әдебиет», «Шежірелі өлке» бағыттары бойынша сұрақтарға жауап берді. ІІ бөлімде «Тәуелсіз елдің жалынды жастарымыз!» тақырыбында ой толғап, білімділік, шапшаңдық, ұшқыр ой мен белсенділік танытты.
Қазылар алқасының шешімімен І орынды «Жерұйық» тобы, ІІ орынды «Алаш» тобы, ІІІ орынды «Мәңгілік ел» тобы иеленді. Жеңімпаздар аудандық білім бөлімі мен кәсіподақ ұйымының бірлескен алғыс хатымен және бағалы сыйлықтармен марапатталды.
Салалық кәсіподақтың Ақтөбе облыстық ұйымы
