«ФИТНЕС КӘСІПОДАҚ» ҚОЛДАНЫСТА
Әр түрлі байқауларға қатысу практикалық идеяларды жүзеге асыруға үлкен мүмкіндіктер береді. "Фитнес кәсіподақ" жобасы "Атбасар қаласының №3 жалпы білім беретін мектебі" КММ кәсіподақ ұйымының педагогикалық қызметкерлері үшін фитнес –зал ашуға тамаша мүмкіндік болды. Мектептің кәсіподақ ұйымы тегін фитнес залын ашу үшін миллион теңге ұтып алды. Барлық спорттық тренажерлер, снарядтар мен құрал-саймандар сатып алынды.
"Фитнес" термині "жақсы қалыпта болу", салауатты өмір салтын ұстану дегенді білдіреді және ұлтты сауықтыру, аурудың алдын алу жолындағы пәрменді қадамдардың бірі болып табылады. Медицина тілімен айтқанда, ауырып ем іздегенше, ауырмаудың жолын ізде.
Салалық кәсіподақ фитнес - залды одан әрі дамыту үшін 1 миллион теңге көлемінде қаржылық қолдау көрсетті. Бұл қолдау салалық білім беруде ынтымақтастық негізінде құрылған нақты қадамдарды айқындайды.
«Қазақстандық салалық білім және ғылым қызметкерлері кәсіподағының Нұр-Сұлтан және Ақмола облыстық ұйымы" қоғамдық бірлестігінің төрағасы Б.Қ. Әбдірахманов №3 жалпы білім беретін мектептің бастауыш ұйымының төрағасы М. П.Шульгинаға ҚР Кәсіподақтар федерациясының Құрмет грамотасын және 1 млн. теңгелік сертификатты табыс етті.
Салтанатты шараға Атбасар ауданы бойынша білім бөлімінің басшысы Н.Г.Наймушина, №3 жалпы білім беретін мектептің директоры Г.А. Кизкенова, мектеп директорының оқу ісі жөніндегі меңгерушісі Т. А.Торговкина қатысты.
Спорт пен салауатты өмір салтын дамыту күн тәртібінен түспейді, сондықтан фитнес-залға сұраныс артады. Мектептің педагог қызметкерлері спортпен тегін айналысуға, өз денсаулығын нығайтуға мүмкіндік алды. Қазіргі, қол жетімді, өзекті Фитнес-кәсіподақ жобасының алғашқы қадамдары осылай сипатталады, олар қазірдің өзінде тиімді жұмыс істеп, дамуда.
