МАТЕМАТИКА ПӘНІНІҢ ҮЗДІК МҰҒАЛІМІ АНЫҚТАЛДЫ
Ақтөбе облыстық ғылыми-тәжірибелік орталығының ұйымдастыруымен, білім және қызметкерлері кәсіподақ ұйымының демеушілігімен «Үздік математика пәні мұғалімі-2021» байқауы өткізілді. Оған аймақтың 20-ға тарта мұғалімі қатысып, бақ сынады.
Байқау мақсаты: шығармашылықпен жұмыс істейтін педагогтарды анықтау, қолдау және марапаттау, мұғалім мамандығының мәртебесін арттыру, кәсіби шеберлігін шыңдау болып табылады.
Байқау екі турдан тұрды. Математиктер алдымен тест тапсырмаларын орындап, екінші кезеңде күрделі есептер шығарды. Сайысқа Қ.Жұбанов атындағы Ақтөбе өңірлік мемлекеттік университетінің оқытушылары, халықаралық, аймақтық байқаулардың жеңімпаздары қазылық етіп, үздік пән мұғалімін анықтады.
«Үздің математика пәнінің мұғалімі-2021» атағын Ойыл ауданы, Қараой мектеп-бақшасының мұғалімі Мамбеталин Жандарбек Танбаевич иеленді. Ұпай саны тең түскен Ырғыз ауданы, Ы. Алтынсарин ат. орта мектебінің мұғалімі Рысмағанбетов Руслан Жантілеуұлы мен Мұғалжар ауданы, Қ.Жұбанов ат. орта мектебінің мұғалімі Табенов Жарас Мақсатұлы II орынға лайық деп танылды. Ал ІІІ орын бірдей нәтиже көрсеткен үш ұстазға берілді. Олар: Байғанин ауданы, №4 Қарауылкелді орта мектебінің мұғалімі Ғабитхан Оразбек Оразалыұлы, Мәртөк ауданы, №2 Мәртөк гимназиясының мұғалімі Абдрахманов Аманжол Алда-Оңғарұлы және Әйтеке би ауданы, Еңбекту орта мектебінің мұғалімі Токин Нұрболат Аманкелдіұлы.
Жеңімпаздарға Салалық кәсіподақ тарапынан «Мерке» шипажайына жолдама табысталды. Байқауға қатысып, белсенділік көрсеткен барлық ұстаздарға қаржылай қолдау көрсетілді.
-
Фото
-
