БАТЫС ҚАЗАҚСТАН ОБЛЫСЫНДА КӘСІПОДАҚ МҮШЕЛЕРІНЕ АРНАЛҒАН ҮШ КҮНДІК ОҚЫТУ СЕМИНАРЫ АЯҚТАЛДЫ
Батыс Қазақстан облысында «Еңбек даулары, олардың туындау себептері. Келісу комиссиясында еңбек дауларын шешу тәртібі» тақырыбында оқыту семинарын өткізілді.
Батыс Қазақстан облыстық білім және ғылым қызметкерлері кәсіподақ ұйымының төрағасы Марат Даупаев алғы сөзінде қатысушыларға семинарда алған білімдерін жұмыс барысында тиімді қолдануға тілек білдірді.
Оқыту семинарына қалалық білім беру саласындағы кәсіподақ ұйымдарының Келісу комиссиясы мүшелері – жұмыс берушілер мен жұмыскерлерінің өкілдері қатысты. Семинар тыңдаушылар саны барлығы 200-ден астам болды.
Қазақстандық салалық білім және ғылым қызметкерлері кәсіподағының бөлім жетекшісі Райхан Қыдырбаева мемлекеттік және орыс тілдерінде слайдтарды пайдаланып, еңбек саласында кездесетін кейбір еңбек қатынастарынан мысалдар келтіре отырып тақырыпты аша түсті.
Семинар барысында келісім комиссиясымен жеке даулар бойынша шешімдерді шығару мен олардың орындалу тәртібі, жеке еңбек дауларын қарау бойынша жүгіну мерзімдері туралы сұрақтар қаралды. Барлық семинарға қатысушыларға ҚР еңбек заңнамасы мен келісім комиссиясы бойынша әдістемелік нұсқаулықтар таратылды.
Семинар соңында қатысушылар Қазақстандық салалық білім және ғылым қызметкерлері кәсіподағының сертификаттарын алып, ұйымдастырушыларға сауатты және нақты ақпараттар бергені үшін зор алғыстарын білдірді.
