БҰЛ ЖАРЫС БҰРЫНҒЫДАН ӨЗГЕРЕК
Ақтөбе облысының ұстаздары спорттың интеллектуалды түрлерінен сынға түсті. 80-ге тарта педагог тоғызқұмалақ және шахматтан өткен облыстық турнирге қатысты. Жарыс ҚР Тәуелсіздігінің 30 жылдық мерейтойына арналды. Басты мақсат: салалық білім және ғылым қызметкерлері кәсіподақтарының арасында ең басты құндылықтарымыздың бірі-егемендіктің қадірін ұлықтау, отансүйгіштікке шақыру, ұлттық спортымызды насихаттау және бұқаралық спортты дамыту болып табылады.
Бұл жолғы жарыс бұрынғыдан өзгерек. Турнир PlayOk және Leeches.org платфорларында онлайн форматта өтті. Көпшілік ойын барысын ZOOM платформасынан тамашаласа, төрешілер арнайы бағдарлама арқылы ойынның әділ өтуін бақылап отырды.
Жарыстың қорытындысы бойынша, жеңімпаздар Ақтөбе облыстық білім және ғылым қызметкерлері кәсіподақ ұйымының тарапынан марапатталады. Үздік ойыншылар республикалық турнирге қатысып, облысымыздың намысын қорғамақ.
-
Фото
-
