МАҢҒЫСТАУДА «WORLDSKILLS KAZAKHSTAN- ШЕБЕРЛІККЕ ҚАДАМ» ӨҢІРЛІК ЧЕМПИОНАТЫ ӨТТІ
Қазақстан Республикасы Тәуелсіздігінің 30 жылдығы аясында VI республикалық «Worldskills Kazakhstan» чемпионаты басталды.
Маңғыстау облыстық туризм колледжінде «Наубайшы ісі» құзыреттілігі бойынша республикалық байқаудың ашылу салтанаты өтті.
Әр аймақтан келген 15 студент пен сарапшылар өз бақтарын сынады. Маңғыстау облысы әкімінің орынбасары Гүлмира Қалмұратова қатысушыларға сәттілік тілеп, өз лебізін жеткізді.
«WorldSkills» чемпионаты техникалық және кәсіптік білім саласындағы басты көрсеткіштерінің бірі болып отыр. Республикамыздың 180 колледжі «Жас маман» жобасы бойынша жабдықталып, ұлттық чемпионатты өңірлерде өткізу мүмкіндігі туды.
«Маңғыстау туризм колледжінің базасында бұл байқаудың өтуі біз үшін өте маңызды. Сіздер әрбір сала мамандықтарын халықаралық деңгейге сай дәрежеде меңгеріп, шетелдік кадрларға бәсекелестік тудыратын маман болуларыңыз қажет. Себебі қазір елімізде индустриалды-инновациялық даму бағдарламасына сәйкес әр өңірде жаңа өндірістік кәсіпорындар салынуда. Оларға білікті кәсіби жұмысшы мамандар ауадай қажет», - деді Гүлмира Қалмұратова.
Чемпионаттың негізгі мақсаты – жұмысшы жəне техникалық мамандықтардың дəрежесі мен мəртебесін арттыру, кәсіптік-техникалық білім беру саласына ерекше көңіл бөліп, жастарды аталған салаға тарту, еңбек нарығына бәсекеге қабілетті мамандарды даярлау, WorldSkills Ұлттық чемпионатына қатысу үшін өңірлік құрамды дайындау.
Ең үздік жұмысшы мамандықтарын анықтау үшін 2 күн қатарынан 6 сарапшы қатысушылардың орындаған тапсырмаларының сапасын бағалады.
Айта кетейік, бүгін конкурстың қатысушылары үшін жұмыс орындарын дайындау кезеңі өтеді. Содан соң «Aktau Tourism City Ltd» RIXOS қонақ үйіндегі TETYSBLU паркіне экскурсия жүргізілді. 9, 10, 11 қараша күні конкурстың негізгі бөлімі өткізіліп, 11 қарашада CIS бағалау жүйесінде қорытындысы шығарылды.
Ақтау қаласы Маңғыстау туризм колледжінің базасында «Наубайшы ісі» құзыреттілігі бойынша өткен «WorldSkills Kazakhstan 2021» VІ Республикалық кәсіби шеберлік чемпионатының конкурстық бөлігі өз мәресіне жетті.
Чемпионаттың конкурстық бөлігінің жабылу салтанатына Қазақстандық салалық білім және ғылым қызметкерлері кәсіптік одағының Маңғыстау облыстық ұйымының төрайымы Тәрбия Анайбекқызы Баимбетова қатысып, конкурстың аяқталуымен құттықтап, қатысушылар мен сарапшыларға естелік сыйлықтар табыстады. Маңғыстау туризм колледжінен қатысқан студентіміз Мажитов Мадиярға жеңіс тілейміз.
«Қазақстандық салалық білім және ғылым қызметкерлері
кәсіптік одағының Маңғыстау облыстық ұйымы» ҚБ
кәсіптік одағының Маңғыстау облыстық ұйымы» ҚБ
-
Фото
-
