МАҢҒЫСТАУЛЫҚТАР РЕСПУБЛИКАЛЫҚ СПАРТАКИАДА ЖЕҢІМПАЗДАРЫ
Ағымдағы жылдың 02 - 06 қараша күндері Нұр Сұлтан қаласында Қазақстан Республикасы Тәуелсіздігінің 30 жылдық мерейтойына орай өткізілген Республикалық ІІ Мұғалімдер Спартакиадасында Маңғыстау облысы үстел теннисінен – 7 орын, волейболдан (әйелдер) – 7 орын алды. Шағын-футбол командасы чемпион атанып, жалпы командалық бағалауда 17 команданың арасынан жүлделі 2 - орынға ие болды.
Жеңімпаз спортшыларды Маңғыстау теміржол стансасынан Мұнайлы аудандық білім беру мекемелерінің басшылары және кәсіподақ филиалының, бастауыш кәсіподақ ұйымының төрағалары, аймақтық дене тәрбиесі орталығының мамандары қошеметпен, ыстық ықыласпен қарсы алып, құттықтады.
Спортшы әріптестерді жеңістерімен құттықтап, алдағы қызметтеріне шығармашылық табыстар тілейміз! Әрдайым жеңіс төрінен көрініңіздер, әріптестер!
«Қазақстандық салалық білім және ғылым қызметкерлері
кәсіптік одағының Маңғыстау облыстық ұйымы» ҚБ
-
Фото
-
