АҚТӨБЕЛІК ҰСТАЗДАР ШИПАЖАЙДА ДЕМАЛЫП, ДЕНСАУЛЫҚТАРЫН НЫҒАЙТТЫ
Ақтөбе облысының 100-ге жуық ұстазы күзгі каникул кезінде шипажайда демалып, денсаулықтарын нығайтты. Педагогтар Ақтөбе облыстық білім және ғылым қызметкерлері кәсіподақ ұйымының жолдамасымен Жамбыл облысында орналасқан «Мерке» емдеу-сауықтыру орталығында кешенді медициналық өтіп, жан-жақты ем алды.
Мұғалімдердің айтуынша, аймақтың таза ауасы мен суы жанға дауа, медициналық қызметкерлердің жасаған дертке шипа болған. Олар бір апта бойы Қырғыз Алатауының баурайында орналасқан өңірдің саф ауасын жұтып, киелі Түркістан, тарихы терең Тараз қалаларына, Жоңғар Алатауына саяхат жасады. Осындай керемет демалыстан оралған ұстаздар екінші тоқсанды тың күшпен, көтеріңкі көңіл-күймен бастағандарын айтады.
«Демалысымызда таудың таза ауасымен тыныстап, родонның шипалы суын ішіп, түрлі ем-дом қабылдауға,тарихи жерлерге саяхаттауға мүмкіндік беріп, бүкіл жағдайымызды жасап отырған Ақтөбе облыстық білім және ғылым қызметкерлерінің кәсіподақ ұйымына алғысымызды білдіреміз.
Кәсіподақ -қолдаушы, кәсіподақ -қорғаушы. Кәсіподақ әлі де талай игі істердің бастаушысы болатынына кәміл сенеміз»,-дейді педагогтар.
Ал Ойыл ауданының ұстаздары шамшырағы қайта жанған көне шаһарлардың бірі-Түркістан қаласына сапар шегіп, киелі өлкенің кереметтерін көріп келді. Соңғы уақытта мұнда құрылыс қарқынды жүріп, киелі мекен қайта түлеп, күллі түркі әлемінің туристік орталығына айналды. Қожа Ахмет Яссауидің кесенесі, Орталық Азияда баламасы жоқ «Керуен Сарайды» көзбен көру үшін Түркістанға жер-жерден келушілер көп.
Ойыл аудандық білім қызметкерлері кәсіподақ ұйымының қолдауымен керуен тур ұйымдастырылды. Бағдарлама бойынша педагогтар Арыстан бабтың басына, Қожа Ахмет Яссауидің кесенесіне, Бәйдібек баба, Домалақ ана, Укаша ата өзге де киелі орындарға барып, тәу етті. Сондай-ақ, жаңадан ашылған «Керуен Сарайды» аралады.
-
Фото
-
