«ҮЛКЕНДЕР ЖОЛЫ – ҰЛЫЛЫҚ, ҰРПАҒЫ ЖҮРЕР ҰҒЫНЫП!»
Жаңаөзен қалалық білім бөлімінің ұйымдастыруымен, кәсіподақ ұйымының қолдауымен, Жаңаөзен қаласының 53 жылдық мерей тойы қарсаңында, Жаңаөзен қаласына жас маман болып келіп, бар өмірін ұстаздық жолына арнап, жаңа ашылып жатқан мектептерге басшылық қызметтерін атқарған, ардагер ұстаздарды жастарға үлгі беру мақсатында өмірі өнегеге толы тұлғалармен Жаңаөзен қаласынының «Мұнайшы» мәдениет сарайында кездесу ұйымдастырылды.
Кездесуде ұстаз мамандығының қыры мен сыры туралы шынайы сұхбат алу арқылы ардагер ұстаздардың дара жолы таныстырылды.
Кездесуге арнайы ардагер ұстаздардар; Алдашева Күлаш Тасеменқызы, Әбуева Әсем Сыражанқызы және педагогикалық шеберлік орталығының директоры, ардагер ұстаз Боранбаева Қатира Қарасайқызы шақырылып, сұхбат берді.
Қаламыздың мұғалімдері, жас мамандары, қала әкімдігінен өкілдер қатысып, кездесу өте әсерлі және тартымды өтті.
Ардагер ұстаздарға «Қазақстандық салалық білім және ғылым қызметкерлері кәсіптік одағының Маңғыстау облыстық ұйымы» қоғамдық бірлестігінің Жаңаөзен қалалық филиалының гүл шоқтары мен естелік сыйлықтары табысталды.
Р. Мұхашева,
Салалық білім және ғылым қызметкерлері кәсіподағының
Маңғыстау облыстық ұйымының Жаңаөзен қалалық филиалының төрайымы
Маңғыстау облыстық ұйымының Жаңаөзен қалалық филиалының төрайымы
-
Фото
-
