«МӘҢГІЛІК ЕЛ - МҰРАТЫМ»
Жаңаөзен қалалық білім бөлімінің ұйымдастыруымен кәсіподақ ұйымының қолдауымен, жалпы білім беретін мектептердің ұстаздары арасында Жаңаөзен қаласының 53 жылдығына орай «Мәңгілік ел - мұратым» тақырыбында ақындар айтысы өтті.
Айтысқа қала мектептерінен жас мамандар қатыстырылды. Жас мұғалімдер атамекенге, туған жерге деген құдіреті мен қуатын жанымен сезініп, ақындық шеберліктері шыңдала түсті.
Айтыс өте тартымды өтті. Қазылар ақындар өнерін сараптай отырып, өздерінің бағаларын берді.
Нәтижесінде, №5 мектеп-гимназиясының өзін-өзі тану пәні мұғалімі Зағила Сайыпова I дәрежелі дипломмен марапатталды.
№10 жалпы білім беретін мектептің қазақ тілі мен әдебиеті пәнінің мұғалімі Мағжан Жұмабайға II дәрежелі диплом,
№21 жалпы білім беретін мектептің қазақ тілі әдебиеті пәнінің мұғалімі Ермекбай Ермаханға III дәрежелі диплом табысталды.
№7 жалпы білім беретін мектептің бастауыш сынып мұғалімі Назира Телеғұсова «Жыр көмейлі» номинациясымен, №22 жалпы білім беретін мектептің қазақ тілі мен әдебиеті пәнінің мұғалімі Гүлдана Айтқұлова «Көркем дауыс» номинациясымен, №23 жалпы білім беретін мектептің бастауыш сынып мұғалімі Алмагүл Орақова «Көрермен көз айымы» номинациясымен, №23 жалпы білім беретін мектептің тарих пәні мұғалімі Естөре Қонакбаев «Белсенді қатысушы» номинациясымен марапатталды.
Барлық жеңімпаздар мен белсенді қатысушыларға «Қазақстандық салалық білім және ғылым қызметкерлері кәсіптік одағының Маңғыстау облыстық ұйымы» ҚБ Жаңаөзен қалалық филиалының сыйақылары берілді.
Райыс Мухашева,
Салалық білім және ғылым қызметкерлері кәсіподағының Маңғыстау
облыстық ұйымының Жаңаөзен қалалық филиалының төрайымы
облыстық ұйымының Жаңаөзен қалалық филиалының төрайымы
-
Фото
-
