БАСТАУЫШ КӘСІПОДАҚ ҰЙЫМДАРЫ ТӨРАҒАЛАРЫМЕН КЕЗДЕСУ
Биыл - бастауыш кәсіподақ ұйымының жылы. Атаулы жыл аясында Алматы облыстық білім және ғылым қызметкерлері кәсіподақ ұйымының төрағасы Мэлс Төлепбергенов Сарқан ауданындағы кәсіподақ белсенділерімен кездесті.
Жаңа оқу жылындағы оң өзгерістер жайында баяндап, Мемлекет басшысының Жолдауына тоқталды. Педагог мәртебесін арттыру бағытынжа жүзеге асып жатқан игі істерді айтып, жалақының өсуі ұстаздарға арналған әлеуметтік қолдау екенін және ұстаз мамандығына сұраныс артқанын жеткізіп, еңбек адамының мүддесін қорғауда бірлесе жұмыс істеуге шақырды. Бастауыш кәсіподақ ұйымының төрағалары кәсіподақ жұмысын жандандыруда бірқатар тың жобаларды ұсынып, маңызды мәселелерді көтерді.
Облыстық ұйымның заңгер-кеңесшісі Әсет Қайырхан ҚР «Педагог мәртебесі туралы», «Білім туралы», «Кәсіподақтар туралы» заңдарға және нормативтік - құқықтық актілерге сәйкес ұстаздардың құқығын қорғауда атқарылып жатқан жұмыстарды саралады. Қойылған сұрақтарға жауап беріп, кәсіподақтың іргесін қалайтын бастауыш ұйымдардағы төрағаларға артылған сенімнің жоғары екенін айтты. Жауапкершілікті талап ететін жұмыста көрсеткен белсенділіктеріне алғысын білдірді.
Кездесуден кейін Сарқан аудандық филиалының төрағасы Ермек Алинов Әл-Фараби атындағы орта мектебі бастауыш кәсіподақ ұйымының төрағасы Шынар Бижановаға «Қазақстандық салалық білім және ғылым қызметкерлері кәсіподағына сіңірген еңбегі үшін» төсбелгісін табыс етті.
Алматы облыстық білім және ғылым қызметкерлері
кәсіподақ ұйымының баспасөз қазметі
кәсіподақ ұйымының баспасөз қазметі
-
Фото
-
