ДЕНІ САУДЫҢ ЖАНЫ САУ
2021 жылдың 14-15 қазан күндері Ақтау қаласы, 19 мектеп-гимназиясының базасында, "Зелмар" спорт кешенінде Маңғыстау облысының білім басқармасы, "Қазақстандық салалық білім және ғылым қызметкерлері кәсіптік одағының Маңғыстау облыстық ұйымы" қоғамдық бірлестігі, Маңғыстау аймақтық дене тәрбиесі орталығының ұйымдастыруымен ел Тәуелсіздігінің 30 жылдығына арналған Маңғыстау облысы мұғалімдерінің спартакиадасы өткізілді.
Спартакиада қорытындысында ерлер, әйелдер арасындағы Үстел теннисі бойынша Жаңаөзен қаласы білім бөлімінің мұғалімдері І орын, Бейнеу ауданы білім бөлімінің мұғалімдері ІІ орын, Мұнайлы ауданы білім бөлімінің мұғалімдері ІІІ орынды иеленді.
Ерлер арасындағы шағын футбол жарысында Мұнайлы ауданы білім бөлімінің мұғалімдері І орын, Жаңаөзен қаласы білім бөлімінің мұғалімдері ІІ орын, Түпқараған ауданы білім бөлімінің мұғалімдері ІІІ орынға ие болды.
Әйелдер арасындағы волейбол жарысында Ақтау қаласы білім бөлімінің мұғалімдері І орын, Жаңаөзен қаласы білім бөлімінің мұғалімдері ІІ орын, Қарақия ауданы білім бөлімінің мұғалімдері ІІІ орынды иемденді.
Жеңімпаздар мен жүлдегерлерге кубок, медаль және дипломдар табысталды.
Салтантты марапаттау рәсімінде Маңғыстау облысының Білім басқармасы басшысының орынбасары Айжақсы Жылқыбайқызы Тұржанова, облыстық кәсіподақ ұйымының төрайымы Тәрбия Анайбекқызы Байымбетова және Маңғыстау аймақтық дене тәрбиесі орталығының директоры Бақыт Ибраевтар сөз сөйлеп, жеңімпаздарды құттықтады.
Жеңімпаз командалар Нұр-Сұлтан қаласында қараша айында өтетін республикалық мұғалімдер спартакиадасына қатысады.
Сонымен қатар, мұғалімдер спартакиадасының қорытындысы аясында 2021 жылы өткен Ұлттық мектеп лигасының ақтық республикалық сынында жеңімпаз, жүлдегер атанған команда жетекшілері және мектеп директорлары марапатталды.
«Қазақстандық салалық білім және ғылым қызметкерлері
кәсіптік одағының Маңғыстау облыстық ұйымы» ҚБ
«Қазақстандық салалық білім және ғылым қызметкерлері
кәсіптік одағының Маңғыстау облыстық ұйымы» ҚБ
-
Фото
-
