КӘСІПОДАҚ КҮШІ – БІРЛІКТЕ
Ақтау қалалық білім және ғылым қызметкерлерінің кәсіподақ ұйымы үстіміздегі жылдың қазан айының 12 күні Кәсіподақтар күніне арналған іс-шара ұйымдастырды.
Іс-шараның мақсаты белсенді кәсіподақ мүшелерін марапаттау. Шараны облыстық кәсіподақ ұйымының төрайымы Тәрбия Баймбетова қатысушыларды мерекелерімен құттықтау сөзімен бастады.
Одан әрі білім беру саласындағы өзгерістер мен Президент Жолдауы туралы әңгіме қозғалды.
Қалалық кәсіподақ ұйымының төрайымы К.Енсегенова мерекелік шараға қатысушыларға жылы лебізін жеткізе келе, бүгінде кәсіподақ ұйымы мен білім беру ұйымдарындағы әлеуметтік әріптестік байланыс, сонымен қатар кәсіподақ тарапынан жүргізіліп жатқан жұмыстар және оның нәтижесі бойынша түскен арыз-шағымдардың сотқа бармай шешілуі және т.б. туралы атап өтті.
Осындай мақсатты жұмыс атқарудағы бастауыш кәсіподақ ұйымы төрайымдары мен және кәсіподақтың нығаюына үлес қосып келе жатқан белсенді есепшілер, басқа да қызметкерлер Құрмет грамотасы және Алғыс хатпен, сертификатпен марапатталды.
Кәсіподақ күні мерекесіне орай 66 бастауыш кәсіподақ ұйымының төрайымдарына Ақтау қалалық кәсіподақ ұйымының сыйақылары табысталды.
Шара соңында №16 жалпы білім беру орта мектебінің директоры Асхат Садықов барлық жиынға қатысушылар атынан кәсіподақ қызметкерлеріне ризашылықтарын білдіре келе, жұмыстарына толағай табыс тіледі.
З.Сарсембаева, Маңғыстау облысы, Ақтау қаласы,
№15 Жалпы білім беру орта мектебінің бастауыш кәсіподақ ұйымының төрайымы.
№15 Жалпы білім беру орта мектебінің бастауыш кәсіподақ ұйымының төрайымы.
-
Фото
-
