АТҚАРУ КОМИТЕТІНІҢ МӘЖІЛІСІ ӨТТІ
Жуырда облыстық Кәсіподақтар үйінде «Атырау облысы білім және ғылым қызметкерлерінің кәсіптік одағы» қоғамдық бірлестігінің Атқару комитетінің кезекті мәжілісі өтті.
Күн тәртібіндегі мәселелер бойынша облыстық салалық ұйымның төрағасы Қ.Сүндетұлы «Мемлекет басшысы Қ.Тоқаевтың «Халық бірлігі және жүйелі реформалар – ел өркендеуінің берік негізі» атты Жолдауы және облыстық салалық кәсіподақ ұйымының алдындағы міндеттер» тақырыбында баяндама жасап, тарихи құжаттағы келелі мәселелерге тоқталды. Сондай-ақ, биылғы «Кәсіподақтың бастауыш ұйымының жылына» орай жүзеге асырылған шаралар туралы да қысқаша айтып өтті.
Облыстық ұйымның заңгері Ю.А. Айбосынова, бас есепші А.Ш. Тұяқпаевалардың «Үздік техникалық инспектор» байқауының қортындысы», «2021 жылғы емдеу-сауықтыру орындарынан алған жолдамаларды игеру жайы туралы» хабарламалары тыңдалды.
Мәжіліс қорытындысымен күн тәртібіндегі мәселлер бойынша тиісті қаулылар қабылданды.
Жиын соңында Кәсіподақтар күніне орай бір топ белсенділерге республикалық салалық ұйымның марапаттары тапсырылды.
