АРДАГЕР ҰСТАЗДАРДЫ ҚҰТТЫҚТАУ
Мұғалімдердің кәсіби мерекесіне орай Ақтау қаласы білім бөлімі мен оқу-әдістемелік орталығының ұйымдастыруымен «Ұстазын ұлықтаған ел мықты» тақырыбында мерекелік-салтанатты кеші өтті.
Өскелең ұрпақты ізгілік пен адамгершілікке баулып, табандылықпен еңбек етіп, еліміздің болашағы - жас ұрпаққа тәрбие мен білім берудегі ұстаздар қауымының еңбектері ерекше аталып өтті.
Ұстаздық еңбек жолындағы білім беру жүйесіндегі жемісті еңбегі, педагогикалық шеберлігі және жаңартылған білім беру технологияларын дамытудағы шығармашылық жетістіктері үшін бірнеше ұстазға Ақтау қаласы әкімінің орынбасары Әбілқайыр Байпақов алғысын білдіріп, марапаттады.
Одан әрі білім беру жүйесі мен еліміздің дамуына қосқан үлестері үшін, еңбегін сіңірген ардагер ұстаздарды құттықтауға Күнзира Енсегенова сөз алды.
Барша ұстаздар қауымын қызығы мен қиыны қатар жүретін кәсіби қызметтеріне толағай табыстар тіледі. Саналы ғұмырын білім саласына арнаған ардагер ұстаздарды еңбегінің зейнетін көруге, ұзақ ғұмыр тілей келе, мерекелік кешке қатысқан ардагер ұстаздарымызға Ақтау қалалық білім қызметкерлері кәсіподағы атынан және білім басқармасының бірлескен Алғыс хатымен, заттай сыйлықтар, гүл шоқтары тарту етілді.
Мереке соңында жасы 95-ке келген ардагер Идрисова Салиха апайымыз бала оқытудағы еңбегін, қоғамға қосқан үлесінің бағаланып келе жатқанына және білім саласындағы өзгерістерге, жаңашылдықтарға тоқталып, кейінгі ұстаздарға, жастарға ұстаздық үлгі насихатын өте әсерлі етіп жеткізді.
Марапаттау рәсімі аяқталған соң, марапатталушылар естелік фотоға түсті.
Күнзира Енсегенова,
Ақтау қалалық кәсіподақ филиалының төрайымы.
Маңғыстау облысы.
-
Фото
-
