КӘСІПОДАҚ БЕЛСЕНДІЛЕРІ МАРАПАТҚА ИЕ БОЛДЫ
Ақтөбеде кәсіподақтар күніне арналған мерекелік шаралар бастау алды. Бүгін Шығармашылық академиясында Ақтөбе облыстық аумақтық кәсіподақтар орталығының ұйымдастыруымен салтанатты жиын өтті.
Мерекелік шараға арнайы келген ҚР Кәсіподақтар федерациясы Атқару Комитетінің мүшесі, "Қызмет" салалық кәсіподағының төрағасы Мирболат Жақыпов әріптестерін мерекемен құттықтап, кәсіподақ жұмысын одан әрі жандандыруға бағытталған ҚРКФ бастамалары жөнінде баяндады.
«Кәсіподақтар федерациясы азаматтардың еңбек мәселелерін шешуге бағытталған шараларын одан әрі жалғастырады. Биылғы ҚР Президенті Қасым-Жомарт Тоқаевтың Жолдауындағы ең төменгі жалақыны өсіру тапсырмасы Кәсіподақтар федерациясының бастамаларымен ұштасты. 2022 жылдан бастап бюджеттік сала қызметкерлерінің жалақысының кезең-кезеңмен ұлғайтуға бағытталғаны 600 мыңға жуық мемлекеттік қызметкердің әл-ауқатын жақсартады. Кәсіподақтың әлеуметтік-еңбек қатынастарын реттеудегі негізгі механизмі - бұл әлеуметтік әріптестік келісімі. ҚРКФ 25 салалық және 17 аймақтық келісімдер жасады, сол келісімдер нақты жұмыс жасауда», - деп атап өтті Мирболат Жақыпов.
Сонымен қатар, М.Жақыпов өңірдің кәсіподақ қозғалысының дамуы жолында еңбек етіп, зор үлес қосқан ардагерлерге құрмет көрсетіп, белсенді азаматтарды ҚРКФ төрағасы Сатыбалды Даулеталиннің атынан Алғыс хатпен, құрмет грамоталармен марапаттады. Бірқатар азаматқа ҚР Кәсіподақтар Федерациясының "Еңбек озаты" мен "Кәсіподақтағы белсенді жұмысы үшін" және "Кәсіподақ ардагері" медальдарын табыс етті.
Кәсіподақтың жоғары марапатына ие болғандардың қатарында білім саласына өлшеусіз үлес қосып жүрген педагогтар, сала ардагерлері бар.
«Еңбек озаты» медалі:
Махмутова Өзипа Мәжитқызы-Алға ауданы білім саласының ардагері;
«Кәсіподақ ардагері» медалі:
Жиеналин Жұмағазы Зайырұлы – Қобда аудандық білім қызметкерлері кәсіподағы ұйымының ардагері;
ҚР Кәсіподақтар Федерациясының Құрмет грамотасы
Құлманов Арғын Санакович – Дарынды жасөспірімдерге арналған Ақтөбе облыстық мамандандырылған «Білім-инновация» лицей-интернаты бастауыш кәсіподақ ұйымының төрағасы;
ҚР Кәсіподақтар Федерациясының Алғыс хаты:
Таханова Айнұр Әбділмәжитқызы– Ақтөбе Жоғары политехникалық колледжі бастауыш кәсіподақ ұйымының төрайымы
Ақтөбе облысы кәсіподақтар орталығы аумақтық бірлестігінің төрағасы Алтынбек Әмірғалиев атқарылған жұмыс туралы баяндап, кәсіподақ белсенділеріне "Ақтөбе облыстық кәсіподақтар орталығы" аумақтық кәсіподақтар бірлестігінің және Салалық кәсіподақтардың наградаларын табыс етті.
Ақтөбе облысы Кәсіподақтар Орталығының Құрмет грамотасы:
Әбішева Акгүл Мұратқызы – А.Жұбанов атындағы Ақтөбе музыкалық колледжі бастауыш кәсіподақ ұйымының төрайымы;
Ізтілеуова Гүлбадан Сәлімгерейқызы– М.Құсайынов атындағы Ақтөбе облыстық дарынды балаларға арналған мамандандырылған мектеп-интернаты бастауыш кәсіподақ ұйымының төрайымы;
Нұрманова Ғалия Гайсиновна – №7 арнайы (түзету) мектебі бастауыш кәсіподақ ұйымының төрайымы.
-
Фото
-
