ҰСТАЗДАРҒА ҚҰРМЕТ КӨРСЕТІЛДІ
Қарқаралы қаласындағы академик О.А.Жаутыков атындағы №1 орта мектепте 2021 жылдың 30 қыркүйек күні «Ұстаздар күні» мерекесіне орай мерекелік шара ұйымдастырылды.
Мерекелік шараны мектеп директоры Сұңғат Кәрімұлы құттықтау сөзімен ашып, ұстаздарға ақ жарқын ізгі тілегін білдіріп, Қасым Аманжоловтың 110 жылдығына арналған "Қазақ аспанында - Қасым рухы" атты облыстық семинарға белсене қатысып, өз іс - тәжірибелерімен бөліскендері үшін қазақ тілі мен әдебиет пәні мұғалімдері Әбдіқалықова Меруерт Маратқызы мен Әлиева Дана Төлеутайқызын Қарағанды облысында білім беруді дамытудың оқу-әдістемелік орталығының Алғыс хатымен марапаттады.
Сонымен қатар төл мереке қарсаңында Қарқаралы ауданының білім саласы қызметкерлерінің кәсіподақ комитетінің төрағасы Азамат Секербайұлы мектебіміздің ұстаздарын арнайы құттықтай келіп, ұстаздарға деген зор ықыласын, құттықтауын жеткізіп, Білім және ғылым қызметкерлері кәсіподағына сіңірген еңбегі үшін мектебімізде ұзақ жылдар қызмет атқарған ұстаздар Қанафина Береке Сайлауқызын, Қанафина Бақыт Ермекқызын, Бақтиярова Алмагүл Бәкенқызын, Нарымбекова Гүлнар Шайзадақызын, Сланбекова Зейнеп Орынбасарқызын, Тұрғамбаева Дариға Шерғалиқызын кәсіподақ комитетінің Құрмет грамотасымен марапаттап, қаржылай сыйақы табыстады.
Меркелік шара ұстаздардың ұйымдастыруымен өткен концерттік бағдарламамен ұласып, көтеріңкі көңіл күй сыйлады.
Ұстаздар тарапынан көрсетілген құрметке ризашылықтарын білдіріп, мектеп әкімшілігіне және аудандық кәсіподақ комитеті төрағасы Азамат Секербайұлына алғысымызды білдіреміз және де марапат иелерін шын жүректен құттықтап, зор денсаулық, шығармашылық табыс тілейміз!
А.Омашева,№ 1 орта мектептіңбастауыш кәсіподақ
ұйымының төрағасы,Қарқаралы қаласы,Қарағанды облысы
