ТҮРКІСТАН ТӨРІНДЕ ҰСТАЗДАР ҰЛЫҚТАЛДЫ
Түркістан облысы, Түркістан қаласындағы "Ақжайық" музыкалық мектебінде мұғалімдер күніне орай салтанатты жиын өтті. Жиынға Түркістан қаласының әкімі Н.Тұрашбеков, облыстық адами әлеуетті дамыту басқармасының басшысы Р.Жолаев, ақсақалдар алқасының төрағасы Ж.Құлбайымбетов, өңірдегі білім беру ұйымдарының басшылары, ардагер ұстаздар қатысты.
Салтанатты жиын өнерлі балалардың концерттік бағдарламасымен басталды. Түркістан қаласының әкімі Н.Тұрашбеков ұстаздарды мерекемен құттықтады. Бүгінгі таңда зейнеткерлік демалыстағы ардагер ұстаздарды ерекше құттықтап, саналы ғұмырын ұстаздыққа арнаған ардагерлерге гүл шоқтары мен арнайы сыйлықтар тапсырылды.
Білім саласының озық қызметкерлері қала әкімінің Алғыс хатымен марапаттады.
Облыстық адами әлеуетті дамыту басқармасының басшысы Р.Жолаев ұстаздар күніне арналған жүрекжарды лебізін білдіріп, шығармашылығымен көзге түскен ұстаздарды марапаттады. Жиында Р.Жолаев жиналғандарға Түркістан қалалық адами әлеуетті дамыту бөлімінің жаңа басшысы О.Қолдасованы таныстырды.
«Қазақстандық салалық білім және ғылым қызметкерлері кәсіптік одағының Түркістан облыстық ұйымы» қоғамдық бірлестігінің төрағасы Ж.Шайдулла білім саласында еңбек етіп жүрген кәсіподақ мүшелерін шын жүректен құттықтап, Қазақстан Республикасы Білім министрінің "Құрмет грамотасын":
«Ө.Жәнібеков атындағы № 27 IT-мектеп-лицейі» КММ директоры Н.Ахметовке, «Ж.Жабаев атындағы № 11 жалпы орта мектеп» КММ директоры Р.Арисовке, Ш.Ниязов атындағы жалпы орта мектебінің директоры Х.Диметовке тапсырды.
Қазақстандық салалық білім және ғылым қызметкерлерінің "Білім және ғылым қызметкерлерінің кәсіподағына сіңірген еңбегі үшін" төс белгісімен: «Абай атындағы № 31 жалпы орта мектеп» КММ директоры Ш.Тілеубергенова, «Абай атындағы № 31 жалпы орта мектеп» КММ бастауыш сынып мұғалімі Н.Курганбекова, "Келешек" санаториялық бөбекжай балабақшасының меңгерушісі Г.Ешмуханованы, "Амангелді атындағы жалпы орта мектеп» КММ директоры Е.Күбей, "Амангелді атындағы жалпы орта мектеп» КММ алғашқы әскери дайындық пәнінің мұғалімі, ауған соғысы ардагері Ақай Тілес, «Ә.Науаи атындағы № 13 мектеп- гимназия» коммуналдық мемлекеттік мекемесінің технология пәні мұғалімі Г.Дауытова, «Ж.Еділбаев атындағы №18 мектеп – гимназия» коммуналдық мемлекеттік мекемесінің химия пәні мұғалімі А.Атабекова, «Әйтеке би атындағы № 26 жалпы орта мектеп» КММ директоры Е.Рысбеков марапатталды.
Қазақстандық салалық білім және ғылым қызметкерлерінің кәсіптік одағының «Құрмет грамотасымен» «С.Рахимов атындағы жалпы орта мектеп» КММ алғашқы әскери дайындық пәнінің мұғалімі А.Балтаев марапатталды.
Салтанатты жиын соңы ұстаздардың гимніне арналған «Ұстазым» әнімен қорытындыланды. Білім көшін жылжытып келе жатқан ұстаздар қауымына құрмет арта бермек! Сіздерді кәсіби мерекелеріңізбен шын жүректен құттықтаймыз!
-
Фото
-
