МАРАПАТ ИЕСІН ТАПТЫ
Ш.Ділдебаев атындағы мәдениет үйінде шымылдығы түрілген мерекелік жиында кеншілер қаласының ұлағатты ұстаздарына Жезқазған аймақтық білім және ғылым қызметкерлерінің жергілікті кәсіптік одағының төрағасы Марат Қоңырбаевтың құттықтауын жеткізген Д.Жақыпбек пен М.Ерназаров еңбек ардагерлеріне құрмет көрсетіп, марапаттау салтанатын өткізді.
Марапат төріне көтерілген Сәтбаев қаласы білім бөлімінің басшысы Б.Б.Ақышбеков, С.Сейфуллин атындағы гимназия мұғалімдері З.Х.Шамсутдинова мен К.Мағзұмова, №3 орта мектептің мұғалімі Ж.Ж.Қуанбекова, №15 орта мектептің мұғалімі Г.А.Ыдрысова мен №16 орта мектептің мұғалімі А.О.Утарова «Білім және ғылым қызметкерлерінің кісіподағына сіңірген еңбегі үшін» белгісін кеудесіне тақты. Сондай-ақ, білім бөлімінің бас мамандары Г.С.Хасенова Қазақстандық салалық білім және ғылым қызметкерлері кәсіптік одағының, ал С.Д.Айжанова білім және ғылым Министрінің Алғыс хатымен еленді.
Кәсіподақ белсенділерін ынталандыру дәстүрі биыл да өз жалғасын тапты. Атап айтқанда, білім қызметкерлерінің Сәтбаев қалалық кәсіподақ филиалы №1 гимназияның бастауыш сынып мұғалімі У.С.Төрежанова мен «Нұрбөбек» бөбекжайының бастауыш кәсіподақ ұйымының төрайымы А.Т.Дүйсенбековаға шипажайға тегін жолдама қарастырды.
-
Фото
-
