МАРАПАТ МЕРЕЙ ӨСІРДІ
Салалық білім кәсіподағының "Үздік бастауыш ұйым" республикалық-байқау шарасына қатысушы ретінде байқау конкурсының жоғары деңгейде ұйымдастырылғанын атап айтқым келеді. Іс-шара жоспары жан-жақты ойластырылып жасалғаны көңілімізден шықты, оған дәлел киелі Түркістанның өткен тарихы және болашағы туралы жан-жақты тануға зор мүмкіндік болды.
Қожа Ахмет Яссауи кесенесінен басталған саяхат-жорығымыз Керуен Сарай, оқушылар сарайы, Арыстан Баб кесенесі, Қожа Ахмет Яссауи атындағы халықаралық қазақ-түрік университеті, "Отырар" мемлекеттік археологиялық қорының музейімен және т.б тарихи көрікті жерлерін көзбен көрумен жалғасты.
Әр облыстан келген қатысушылар өз бойларына рухани азық толтырып кеткендерін бек сеніммен айта аламын.
Қазақстандық салалық кәсіподақ білім және ғылым қызметкерлері кәсіподағының «Үздік кәсіподақ ұйымы» республикалық байқау-сайысына қатысқанымды зор мақтанышпен айта келе, Қазақстандық салалық білім және ғылым қызметкерлері кәсіподағына мағыналы іс-шараға қатысуға мүмкіндік бергені үшін зор алғысымды айтамын. Әріптестерді сайыстағы жеңісімен құттықтап, еңбекте табыс, үлкен жетістіктер тілеймін.
Ұ.Жанұзақ,
«Алматы облыстық білім және ғылым қызметкерлері кәсіподақ ұйымы» қоғамдық бірлестігінің Панфилов аудандық филиалының «Керімағаш-Арасан ауылындағы орта мектебі» КММ-нің бастауыш кәсіподақ төрағасы..
-
Фото
-
