МЕРЕЙТОЙ ИЕСІ ҚҰТТЫҚТАЛДЫ
Ағымдағы жылдың қыркүйек айында Батыс Қазақстан облыстық білім басқармасы Сабиров Нұрлан Менешұлын 63 жасқа толуымен құттықтады.
Батыс Қазақстан облысы білім басқармасының басшысы А.Мыңбаева еңбек жолын қарапайым мұғалімінен бастап, мектеп директоры, облыстық білім басқармасы басшысының орынбасары, аудан әкімі, БҚО Білім саласындағы бақылау департаментінің басшысы қызметін атқарған, игі істерге бастамашы болып, қазіргі таңда Білім беруді дамыту орталығының директоры орынбасарының қызметін атқарып жүрген Сабиров Нұрлан Менешұлын зейнеткерлік жасқа шығуымен құттықтады.
Сонымен қатар Батыс Қазақстан облысының білім саласында сапаны қамтамасыз ету департаментінің басшысы Г.Сәрсенғалиева, Қазақстандық салалық білім және ғылым қызметкерлері кәсіптік одағының Батыс Қазақстан облыстық ұйымының бас маман – заңгері Г.Құрмангазиева және техникалық және кәсіптік білім беру ұйымдарының директорлар Кеңесінің төрағасы С.Мұхамбетқалиевтер де қатысып, өздерінің құттықтау тілектерін жеткізді.
Білім саласының облыстық кәсіподағы тарапынан білім жүйесіндегі көп жылғы адал еңбегі, өскелең ұрпаққа өнегелі тәрбие мен сапалы білім берудегі шығармашылық жетістіктері және қоғамдық өмірге белсене қатысқаны үшін Нұрлан Менешұлына «Сарыағаш» шипажайына жолдама берілді.
Батыс Қазақстан облыстық білім және
ғылым қызметкерлерініңкәсіподақ ұйымы
-
Фото
-
