КӘСІПОДАҚ ӨКІЛДЕРІ ДЕПУТАТТАРМЕН КЕЗДЕСТІ
Батыс Қазақстан облысында кәсіподақ өкілдері Қазақстан Республикасы Парламенті Мәжілісінің депутаттары Мәлік Құлшар және Снежанна Имашевамен кездесті. Шара барысында облыстық кәсіподақ төрағасының орынбасары Бауыржан Атауов сөз бастап, қазіргі таңда Батыс Қазақстан облысындағы кәсіподақтың хал - ахуалын, өзекті мәселелерін атап өтті.
Кездесу барысында салалық кәсіподақ төрағалары мен мамандары әр саладағы жағдайларды баяндай отырып, жұмыскерлердің ұсыныстарын депутаттарға жеткізді.
Атап айтқанда, Батыс Қазақстан облыстық білім және ғылым қызметкерлері кәсіподағының бас маман – заңгері Гүлжанат Құрманғазиева - ҚР «Педагог мәртебесі туралы» Заңында қарастырылған педагогтарға жеке тұрғын үй құрылысы үшін жер учаскесін беруде көзделген кепілдіктердің қалай жүзеге асырылатыны және жергілікті өкілетті органдар тарапынан осы заңға сүйене отырып, қандай да болсын жеңілдіктер қарастырылса, - деген ұсыныс білдірді.
Сонымен қатар, «Қызмет» Батыс Қазақстан облыстық мемлекеттік, банк мекемелері және қоғамдық қызмет көрсету қызметкерлері салалық кәсіподағы төрағасы Серік Сүлеймен жергілікті халықтың көкейіндегі мәселені атап айтты. Ол, ең алдымен зейнеткерлерге, халықтың әлеуметтік тұрғыдан әлсіз тобына берілетін көмектің айлық есептік көрсеткішке тікелей тәуелділігі, яғни бұл соманың үкіметпен бекітілген азық - түлік себетін сатып алуға жеткіліксіз екендігі. Осы сұрақтың шешу жолдары бойынша кәсіподақ белсенділерінің ұсыныстары депутаттарға жеткізілді.
Қазақстан Республикасы Парламенті Мәжілісінің депутаттары өңірдегі іс - сапар барысында, қазіргі еңбек қатынастары мәселесінде қашықтықтан жұмыс жасау еркіндігі мен делдалдар арқылы жұмыс жасаудың қиындықтары туралы мәселелердің жақын арада қабылданатын заңда қарастырылатындығын жеткізді.
БҚО БІЛІМ ЖӘНЕ ҒЫЛЫМ ҚЫЗМЕТКЕРЛЕРІ КӘСІПОДАҒЫ
-
Фото
-
