ЖАҚСЫЛЫҚ – ЖАН АЗЫҒЫ
Қайырымдылық – адамзат бойындағы ерекше қасиеттердің бірі. Жақсылық жасау ізгіліктің, адамгершілік қарым-қатынастың, адамдардың бір-біріне деген сүйіспеншілік пен көмектің айқын көрінісі. Игі іске қолдау білдіріп, «Алматы облыстық білім және ғылым қызметкерлері кәсіподақ ұйымы» ҚБ-ның Кербұлақ аудандық филиалы «Мектепке жол» акциясын ұйымдастырды.
Қайырымдылық шара барысында қоғамдық бірлестіктің төрағасы Ж. Дуанаев Басши ауылдық округіндегі білім ордаларының жаңа оқу жылына дайындықтарын бақылап, ұстаздар мен оқушылардың қауіпсіздігіне көз жеткізді.
Сонымен қатар, жаңа оқу жылы қарсаныңда кәсіподақ мүшелерінің балаларына мектепке қажетті киім-кешектер мен құрал-жабдықтарды табыс етті.
Оқушылардың сапалы білім алуына бағытталған шарада кәсіподақ өкілі барша сала қызметкерлерін жаңа оқу жылымен құттықтап, жылы лебізін білдірді. Бүлдіршіндердің жақсы оқып, еліне еңбек етер азаматтарға айналатындарына сенім білдірді.
Райымбек атындағы, Нұрым және Аралтөбе орта мектептерінің қызметкерлері қайырымдылық шарасын ұйымдастырған кәсіподақ филиалына алғыстарын білдіріп, өзгеде мекемелердің аталған шараға қолдау танытып жатқандарын жеткізді.
Т.Көкенова,
«Алматы облыстық білім және ғылым қызметкерлері кәсіподақ
ұйымы» ҚБ-і Кербұлақ аудандық филиалының маманы
