ТӘУЕЛСІЗДІК ТОЙЫНА ТАРТУ
Ақтөбелік педагог Куаныш Құрмашев Тәуелсіздіктің 30 жылдығына 5 күндік марафон арнап, Орал қаласынан Ақтөбе қаласына дейін 500 шақырым қашықтықты жаяу жүгіріп шықты.
Қарғалы ауданы, Петропавловка орта мектебінің мұғалімі Қуаныш Маратұлы ауыл балаларын спортқа баулып, үлгі болып жүр. Жеңіл атлетикамен 14 жылдан бері айналысады.
32 жастағы мұғалімнің спорт саласындағы жетістіктері бұл марафонмен ғана шектелмейді. Ол ғұлама данышпан Абайдың 175 жылдығына орай 100 шақырым қашықтықты бағындырса, сондай-ақ бұған дейін де талай мәрте халықаралық, республикалық, облыстық, аудандық сайыстардың бірнеше дүркін чемпионы атанып үлгерген.
Қуаныш Маратұлының бұл жетістігі өскелең ұрпаққа өнеге, тәрбие, салауатты өмір салтын қалыптастыруда үлкен мотивация деп есептейміз.
-
Фото
-
