БАТЫС ҚАЗАҚСТАН ОБЛЫСЫНДА КӘСІПОДАҚ КОМИТЕТІНІҢ КЕЗЕКТЕН ТЫС ПЛЕНУМ ОТЫРЫСЫ ӨТТІ
Батыс Қазақстан облыстық білім және ғылым қызметкерлерінің кәсіподағы Жарғыға сәйкес «Қазақстандық салалық білім және ғылым қызметкерлері кәсіптік одағы» қоғамдық бірлестігі Атқару комитетінің 28.06.2021 жылғы № 10 т. 5 Қаулысымен кезектен тыс Пленум отырысын өткізді. Пленум жұмысына Пленум мүшелері және Батыс Қазақстан облыстық білім басқармасының басшысы Айгүл Мыңбаева, Орал қаласының білім беру бөлімінің басшысы Ақжарқын Темірханова қатысты.
Білім саласының облыстық кәсіподақ төрағасы Марат Даупаев кезектен тыс Пленум отырысын «ашық» деп жариялап, күн тәртібімен таныстырды.
Күн тәртібіндегі бірінші мәселе – Кәсіподақ ұйымдары құрылмаған білім беру мекемелерін кәсіподақ құрамына тарту жөніндегі іс – шаралардың ұйымдастырылуы және ұйымдардағы кәсіподақ мүшелігін нығайту жұмыстары туралы облыстық кәсіподақ төрағасының мәліметі бойынша мектепке дейінгі мемлекеттік білім беру мекемелерінің қалалық 33 балабақша – бөбекжайларында кәсіподақ ұйымдары құрылмағаны және кәсіподақ ұйымдары бар аудандық білім беру мекемелеріндегі 715 қызметкердің кәсіподақ мүшелігінде жоқ екендігі туралы мәліметті тыңдай отырып, кәсіподақ ұйымдары құрылмаған білім беру мекемелерінде кәсіподақ ұйымдарын құру және кәсіподақ ұйымдары бар ұжымдардағы кәсіподақ мүшелігін нығайту туралы тиісті шаралар алынып, қаулылар бекітілді.
Сонымен қатар, «Қазақстандық салалық білім және ғылым қызметкерлері кәсіптік одағының Батыс Қазақстан облыстық ұйымы» қоғамдық бірлестігінің аудандық және Орал қалалық кәсіподақ филиалдарының ашылуы және Ережесін бекіту туралы мәселені қызу талқылаған Пленум қатысушылары, бірауыздан облыстық кәсіподақ ұйымында «Қазақстандық салалық білім және ғылым қызметкерлері кәсіптік одағының Батыс Қазақстан облыстық ұйымы» ҚБ-нің Орал қалалық комитетінің филиалы және аудандық комитеттерінің филиалдары ашылып, заңды тұлға ретінде мемлекеттік тіркеуден өткізіліп заңдастырылуын қолдады.
Пленум отырысында жарыссөзге жазылған пленум мүшелері көтерілген мәселелерді тарқата отырып, өз пікірлерін білдірді.
Облыстық білім басқармасының басшысы Айгүл Мыңбаева және Орал қаласы білім беру бөлімінің басшысы Ақжарқын Темірханова жарыссөзде көтерілген мәселелер алдағы уақытта өз шешімдерін табатынына және Орал қалалық кәсіподақ комитеті филиалының ашылуы кәсіподақ жұмысының одан әрі алға басып дамуына ықпал ететіні жөнінде өз ойымен бөлісті.
Пленум күн тәртібі бойынша қаулылар алынып, кәсіподақ ұйымдары құрылмаған білім беру мекемелері ұжымдарында кәсіподақ мүшелігіне ынталандыру жөніндегі жұмыстарды жалғастыру жөнінде тапсырмалар мен міндеттер жүктелді.
Атаулы шарада белсенді кәсіподақ мүшелері мен кәсіподақ төрағалары мерейтойларымен құттықталып, сыйақылар мен гүл шоқтары табысталды.
Батыс Қазақстан облыстық білім және ғылым қызметкерлерінің кәсіподағы
-
Фото
-
