БІЛІМ САЛАСЫНДАҒЫ МӘСЕЛЕЛЕР МӘЖІЛІС ДЕҢГЕЙІНДЕ ҚАРАЛУҒА ҰСЫНЫЛДЫ
Бүгін облыстық кәсіподақтар орталығында Қазақстан Республикасы Парламенті Мәжілісінің депутаттары Бахытбек Смағұл және Ғалым Әмреевпен кездесу өтті.
Басқосуға біздің өңірімізге жоспарлы іс-сапарға келген Қазақстандық салалық білім және ғылым қызметкерлері кәсіподағының құқықтық бөлім басшысы Райхан Қыдырбаева және Cалалық кәсіподақ төрағалары қатысты.
Қызылорда облыстық кәсіподақтар орталығының төрағасы Мақсұт Нәлібаев модераторлық еткен қызу талдамалы жұмыс үдерісі орын алған жиында білім кәсіподағы тарапынан әлі де күрделі күрмеуі шешілмей келе жатқан бірнеше мәселелер көтерілді.
Комитет төрағасы Гүлнар Есқалиева арнайы Мәжіліс деңгейінде шешуге ықпал жасау үшін бірнеше мәселелерді, яғни білім саласындағы медицина қызметкерлерінің, кітапханашылардың және кіші қызметкерлердің айлық жалақыларын қарастыру туралы депутаттық сауал жолдады.
Алдағы уақытта бұл мәселелер өз шешімін табады деген үміттеміз. Әрбір сала қызметкерлерінің құқықтық мүдделерін қорғау - кәсіподақтың басты мақсаты боп қала бермек.
Қызылорда облыстық білім және ғылым қызметкерлері кәсіподағы
-
Фото
-
