КӘСІПОДАҚ КӨШБАСШЫЛАРЫНЫҢ КЕЗДЕСУІ
Ағымдағы жылдың шілде айының 12-і күні «Қазақстандық салалық білім және ғылым қызметкерлері кәсіптік одағының Павлодар облыстық ұйымы» ҚБ «Рухани жаңғыру» бағдарламасының аясында, Бастауыш кәсіподақ, ҚР Тәуелсіздігінің 30 жылдығына орай Ақтау қаласында «Салалық білім және ғылым қызметкерлері кәсіптік одағының Маңғыстау облыстық ұйымы» ҚБ-нің аудандық, қалалық филиалдар төрағалары, қызметкерлерімен кездесу шарасы өтті.
Шарада Павлодар облысының белсенді кәсіподақ көшбасшылары кәсіподақ қозғалысындағы келелі мәселелер бойынша пікір алмасып, өзара іс-тәжірибелерімен бөлісті.
Әріптестеріміздің одан әрі қарай сапарлары тарихи, рухани азық болатын Маңғыстаудың киелі мәдени - тарихи ескерткіштері, Бекет-Ата, Шопан-Ата, Шақпақ-Ата, Қараман-Ата, Сұлтан-Епе жер асты мешіттеріне саяхаттаумен жалғасады. Әріптестер бірге естелік фото суретке түсіп, бір-бірлеріне сәттіліктер тіледі. Мұндай іс-тәжірибе алмасу шаралары алдағы уақытта да өз жалғасын табады деп сенеміз.
«Салалық білім және ғылым қызметкерлері кәсіптік
одағының Маңғыстау облыстық ұйымы» ҚБ
одағының Маңғыстау облыстық ұйымы» ҚБ
