АҚТӨБЕЛІК ҰСТАЗДАР ШИПАЙЖАЙДА ТЫНЫҒЫП, ДЕНСАУЛЫҚТАРЫН НЫҒАЙТЫП ЖАТЫР
Ақтөбе облыстық білім қызметкерлерінің кәсіподақ ұйымы жазғы еңбек демалысына шыққан ұстаздардың бос уақытының тиімді өтуіне үлес қосты. Дәл қазіргі сәтте Ауғанстанда интернационалдық борышын өтеген ардагерлер мен Семей ядролық сынақ полигонында әскери міндетін атқарған білім саласының қызметкерлері «Сарығаш суы» шипажайында ем қабылдап, тынығып жатыр. Олар - «Отан қорғаушылар күні» мерекесіне орай кәсіподақ жолдамасына ие болған педагог азаматтар.
Санаторийдің негізгі емі- талай дертке дауа болған шипалы су. Сарыағаштың минералды суы, әсіресе, асқазан-ішек аурулары мен өт және зәр шығару жолдарын емдеудің таптырмас тәсілі екен. Соның айғағы болса керек, ғажайып өлкеде орналасқан емдеу-сауықтыру орталықтарына үздіксіз келетін емделушілер қатары көп.
Ойыл ауданының педагогтары да жазғы каникулды пайдалы өткізуде. Бүгінгі күні аудандық білім қызметкерлері кәсіподақ ұйымының жолдамасымен 22 мұғалім «Сарыағаш» шипажайында демалып жатыр. Шілде айында тағы бір ұстаздар легі шипажайда тынығып, денсаулықтарын нығайтып қайтпақшы. Емдеу-сауықтыру шараларынан білім беру мекемелерінде жұмыс істейтін кіші қызметкерлер де тыс қалмады. Білім кәсіподағы 10 адамға облыс орталығындағы «Юкон» шипажайына жолдама ұсынды.
-
Фото
-
