«ҮЗДІК ПЕДАГОГ» БАЙҚАУЫ МӘРЕСІНЕ ЖЕТТІ
Педагог мәртебесін арттыру және кәсіби қызметте жоғары жетістіктері бар шығармашыл педагогтарды анықтау мақсатында Жамбыл облысы әкімдігінің білім басқармасының ұйымдастыруымен техникалық және кәсіптік білім беру саласы бойынша «Үздік педагог» байқауының облыстық кезеңі аяқталды. Байқаудың екінші кезеңіне техникалық және кәсіптік білім беру ұйымдарынан 10 үміткер қатысты.
Техникалық және кәсіптік білім беруді дамыту орталығының басшысы Д.Есжанов заманауи озық технологиялармен жұмыс жасайтын педагог қызметкерлердің озық іс-тәжірибелерін тарату; білім беру үдерісіндегі педагогикалық идеяларды насихаттау; шығармашылықпен жұмыс атқаратын педагог қызметкерлерге қолдау көрсетуге бағытталған конкурстың қатысушыларын жеке-жеке таныстырып өткесін, білім басқармасының техникалық және кәсіптік білім беру бөлімінің басшысы А.Жайлышева мен Жергілікті кәсіподақтың Біріккен комитеті филиалының төрағасы Ж.Орынбеков қатысушыларға сәттілік тіледі.
Конкурстық комиссия мүшелері шығармашылық жұмыстарды қорғау, пән бойынша студенттермен өткізілген бейнесабақтар, эссе, бейнеролик бөлімдері бойынша педагогтердің кәсіби шеберліктерін саралады.
Комиссия шешіміне сәйкес байқаудың бас жүлдесін Қаратау құрылыс техникалық колледжінің арнайы пән оқытушысы Жанат Салыбекова иеленді. І орынды Жамбыл политехникалық жоғары колледжінің арнайы пән оқытушысы Қанат Айдарова, ІІ орынды №9 Меркі колледжінің математика-информатика пәнінің оқытушысы Нәйла Рахметқалиева, ІІІ орынды Абай атындағы Жамбыл гуманитарлық жоғары колледжінің педагогика және психология пәндерінің оқытушысы Рабиға Тағашбаева иеленді.
Жалпы, байқаудың І кезеңіне 123 педагог қатысып, оның 11-і облыстық ІІ кезеңге жолдама алған болатын . Байқаудың ІІІ республикалық кезеңіне Жанат Салыбекова мен Қанат Айдарова жіберілді.
А. Сенбай,
Жамбыл облысы
-
Фото
-
