АҚТАУДА ЕҢ ҮЗДІК БАСТАУЫШ КӘСІПОДАҚ ҰЙЫМЫ АНЫҚТАЛДЫ
Салалық білім және ғылым қызметкерлері кәсіптік одағының Маңғыстау облыстық ұйымының Ақтау қалалық филиалы «Ең үздік бастауыш кәсіподақ ұйымы - 2021» Республикалық байқау-сайысының қалалық кезеңін өткізді.
Мерекелік шараның 1-бөлімінде «Ең үздік бастауыш кәсіподақ ұйымы - 2021» қалалық байқауының жеңімпаздарын марапаттау рәсімі өтіп, 2-бөлімінде Ақтау қалалық кәсіподақ ұйымы атынан белсенді бастауыш кәсіподақ ұйымының белсенді әлеуметтік әріптестерге шипажай демалыс орындарына жолдамалар ұсынылды.
Кәсіподақ мүшелерінің еңбек және әлеуметтік-экономикалық құқықтары мен мүдделерін қорғау жөніндегі бастауыш кәсіподақ ұйымдарының қызметін насихаттау, олардың жұмыс тиімділігін арттыру, еңбек ұжымдарында бастауыш кәсіподақ ұйымдарының беделін арттыру, кәсіподақ мүшелерінің кәсіподақ бірлігі мен ынтымақтастығын дамыту және кәсіподақ жұмысының озық тәжірибелерін тарату мақсатында ұйымдастырылған байқауға 11 - бастауыш кәсіподақ ұйымы қатысып, жұмыстары байқау ережесіне сай бағаланып, 4-жеңімпаз ұйымдар анықталды.
Байқау нәтижесінде Бас жүлде жеңімпазы - Ақтау қаласының №46 «Балбұлақ» балабақшасының бастауыш кәсіподақ ұйымы «Алғыс хатпен» марапатталып, бастауыш кәсіподақ ұйымының төрайымы Ольга Григорьевна Корнееваға еңбек ұжымдарында бастауыш кәсіподақ ұйымдарының беделін арттырып, кәсіподақ мүшелерінің кәсіподақ бірлігі мен ынтымақтастығын дамытуда белсенді үлесі үшін, қалалық кәсіподақ ұйымы атынан Алмаы қаласындағы «Көктем» шипажайына 100% тегін жолдама ұсынылды.
Сондай-ақ 1- орын иегері №3 орта мектептің төрайымына 70%, 2- орын-№14 балабақшаға және №26 «Қарлығаш» балабақшасына 50% - бен «Көктем» шипажайына жолдамалар берілді.
Ақтау қалалық кәсіподақ ұйымынан ең белсенді, 100 пайыз кәсіподақ мүшелігі бар әлеуметтік әріптестер мен еңбек қызметкерлеріне «Көктем» шипажайына тегін 7 - жолдама, 50% - 3 жолдама бөлінді.
Шара соңында мерекелік жиынға қатысушылар мен жеңімпаздар сөз алып, бүгінгі таңда кәсіподақ – қолдаушы, күшіміз - бірлікте дей келе Ақтау қалалық кәсіпдақ ұйымына өз ризашылықтарын білдіре отырып, жұмыстарына толағай табыс тіледі.
К.Еңсегенова,
Маңғыстау облыстық кәсіподақ ұйымының
Ақтау қалалық филиалының төрайымы
-
Фото
-
