КӘСІПОДАҚ МҮШЕЛЕРІНЕ ҚҰҚЫҚТЫҚ КӨМЕК
Салалық білім және ғылым қызметкерлері кәсіподағының жұмыс жоспарына сәйкес Солтүстік Қазақстан облысындағы кәсіподақ мүшелеріне әдістемелік, практикалық және құқықтық көмек көрсетілді.
Бейнебайланыс режимінде өткізілген семинарды Салалық кәсіподақтың құқықтық инспекторы А. Бектабанов жүргізді.
Семинар жұмысына Салалық кәсіподақтың Солтүстік Қазақстан облыстық ұйымы төрағасының орынбасары Т.Смолина, құқық мәселелері жөніндегі бас маман А.Тасымова, кәсіподақтың аудандық, қалалық филиалдары мен білім беру ұйымдарындағы бастауыш кәсіподақ комитеттерінің өкілдері қатысты.
Семинар барысында құқықтық сипаттағы еңбек қатынастарына, әлеуметтік әріптестік жөніндегі келісімдердің күшіне қатысты, сондай-ақ білім беру ұйымдарындағы кәсіподақ мүшелеріне ұжымдық шарттардың басымдықтары туралы сұрақтар қойылды.
Кездесу нәтижелі өтті, семинарға қатысушылар осындай кездесулерді жиі өткізуге тілек білдіріп, семинарды ұйымдастырушыларға алғыстарын жеткізді.
-
Фото
-
