ЕҢБЕК ДЕМАЛЫСЫНА БАЙЛАНЫСТЫ ҚҰҚЫҚТЫҚ КЕҢЕСТЕР
Үстіміздегі жылдың 01 маусым күні барлық мүшелік мектепке дейінгі ұйымдардың арасында Салалық білім және ғылым қызметкерлері кәсіптік одағының Маңғыстау облыстық ұйымының Ақтау қалалық филиалы, ұйым басшылары мен кадр мамандарына «Еңбек демалысының берілуі: негізгі жұмыс орны, қоса атқару» бойынша семинар өткізді.
Семинарды облыстық кәсіподақ ұйымының құқық қорғау жөніндегі бас маманы Н.С.Храмова жүргізді. Білім беру ұйымдарындағы еңбек қызметкерлерінің еңбек демалысының түрлері, еңбек демалысының жалақы көлемдері, еңбек шарты мерзімі, сауықтыру жәрдемақысының төлемдері, қоса атқарылатын жұмыстары туралы, яғни қандай нормативтік құжат негізге алынады, ресімдеу жолдары бойынша нақты түсіндірме жұмыстары жүргізілді.
Негізге алынатын нормативтік құжаттар, олардың баптары, тармақтары , бұйрық түрі т.б мысалдар арқылы көрсетілді.
Семинар тақырыбына байланысты қатысушылар тарапынан ашық сұрақтар қойылып, берілген сұрақтарға нақты түсіндірме беріліп отырды.
Кәсіподақ ұйымының басты мақсаты– еңбек қызметкерлерінің мүдделерін білдіру және қорғау. Еңбек адамдарының құқықтары мен мүдделері қорғалып отырса, дер кезінде бірлесе жұмыс атқарсақ ұйымдағы кәсіподақ ролі артып, ұжымның ұйысатыны сөзсіз.
Семинар соңында қалалық кәсіподақ ұйымының төрайымы К.Енсегенова әрбір мүшелік бастауыш кәсіподақ ұйымында еңбек демалысы науқаны басталғандығы туралы, осыған орай еңбекақы төлемдері бойынша кемшіліктердің болмауына, қай уақытта да кәсіподақ ұйымы кеңес беріп, қолдау көрсететіндігін жеткізді.
Қатысушылар семинар тақырыбына байланысты ой-пікірлерін айта отырып, алғыстарын білдірді.
Ж Сарбалиева,Маңғыстау облысы, Ақтау қаласы, №43 «Батыр»
бөбекжайының бастауыш кәсіподақ ұйымының төрайымы
бөбекжайының бастауыш кәсіподақ ұйымының төрайымы
-
Фото
-
