АТҚАРУ КОМИТЕТІНІҢ ОТЫРЫСЫ ӨТТІ
Жамбыл облысы білім және ғылым қызметкерлерінің Жергілікті кәсіподағының кезекті Атқару комитетінің отырысы өтті. Алқалы жиынға Кәсіподақ Филиалдары мен тікелей бағыныстағы құрылымдық бөлім жетекшілері мен комитет мүшелері қатысты.
Мәжілісті ашқан Жергілікті кәсіподақ төрағасы Е.Мағзымбеков қатысушыларды ұстаздар үшін де, оқушылар үшін де оңай болмаған оқу жылының ойдағыдай аяқталуымен құттықтап, сәттілік тіледі. Жиында қаралатын алғашқы сұрақ бойынша республикалық салалық кәсіподақтың Атқару комитетінің мүшесі, Жергілікті кәсіподақтың құқықтық инспекция жетекшісі Б.Баймағамбетов сөз алып, республикалық ұйымның мамыр айында өткен Атқару комитетінің құжаттарына шолу жасап, қабылданған шешімдермен таныстырды.
Келесі болып Меркі ауданы бойынша аймақтық еңбек инспекторы С. Ержанованың 2020 жылдың ақпан - 2021 жылдың сәуір аралығында құқықтық қызмет бойынша атқарған жұмысының есебі тыңдалды. Инспектордың еңбек заңнамасының орындалуын қоғамдық бақылау шеңберінде 2020 жылы 8, 2021 жылы 11 тексерісінің нәтижесінде білім мекемелері мен ұйымдарында ҚР еңбек заңдылығын бұзудың 128 жағдайы анықталған. Есептік кезеңде жүргізілген тексерулер мен азаматтардың өтініштерін қарау барысында және ұжымдық шартқа өзгерістер мен толықтырулар енгізу нәтижесінде кәсіподақ мүшелерінің пайдасына экономикалық тиімділіктің жалпы соммасы 127 млн. 960 мың 175 теңгені құраған.
Бұдан соң Тараз қалалық комитетінің бас маманы А.Ыстыбаевтың 2020-2021 жылдары құқықтық қызметінің жұмысы туралы есебі тыңдалды. Есепті мерзімде кәсіподаққа 604 өтініш түсіп, кәсіподақ мүшелеріне 1220 құқықтық қызмет көрсетілген. Кәсіподақтың өкілдігімен сотта 8 іс материалы қаралып, оның 6-ы кәсіподақ пайдасына шешілген.
Жиын барысында Кәсіподақ құрылтайшылығындағы шағын кәсіпорындардың да қаржы-шаруашылық қызметінің есебі тыңдалып, облыстық ұйымның сала қызметкерлері-кәсіподақ мүшелері мен олардың отбасы өкілдері үшін 2021 жылға арналған сауықтыру шараларын ұйымдастыру мәселесі де талқыланды.
П.Бақыт,
Жамбыл облысы.
-
Фото
-
