АРДАГЕРЛЕРГЕ ҚҰРМЕТ КӨРСЕТІЛДІ
Ұлы Жеңістің 76 жылдығы қарсаңында Қарағанды облысы білім басқармасының «Жезқазған қаласының білім бөлімі» ММ-нің басшысы Әлмағанбетов Жеңіс Едігеұлы мен «Жезқазған аймақтық білім және ғылым қызметкерлерінің жергілікті кәсіптік одағы» ҚБ-ның «Жезқазған қалалық білім қызметкерлерінің кәсіптік одағының ұйымы» филиалының төрайымы Күнеділова Ләззат Асанқызы және білім саласының ардагерлер кеңесінің төрайымы Қазымбетова Сәрсенкүл Қабылқызы аймаққа есімі етене таныс, тәуелсіз еліміздің тұғырын берік етуге өлшеусіз еңбек сіңірген Ұлы Отан соғысы жылдарында тылда еңбек еткен білім саласының бірқатар ардагерін құттықтады.
Ардагерлердің қатарында Әбдірахманова Мәрияш Ахметқызы мен Андрис Таисия Кузминична бар.
Әбдірахманова Мәрияш Ахметқызы Жезқазған қаласындағы №1жалпы білім беретін мектептің ардагер ұстазы,география пәнінің мұғалілімі болып 40 жылдан аса еңбек етті. 1936 жылы ақпан айының екінші жұлдызында Қарсақпайда дүниеге келген. Соғыстан кейінгі жылдары10 жастан бастап тылда жұмыс істеді. Орта мектепті аяқтағаннан кейін 1954 жылы Алматы қаласындағы Қыздар педагогикалық институтына түсіп,1961 жылы география пәні мұғалімі мамандығы бойынша аяқтап,бар ғұмырын ұрпақ тәрбиесіне арнады.
2000 жылы №1 ЖББМ-нен зейнеткерлік демалысқа шықты. Еңбек еткен жылдары көптеген марапаттарға ие болды. 1987 жылы «Тыл еңбеккері» медалімен марапатталды. Шәкірттері бүгінде еліміздің игілігі үшін адал еңбек етуде.
Андрис Таисия Кузминична 1935 жылы 31 желтоқсанда Украинаның Донбасс қаласында дүниеге келген. Отбасымен Қазақстанға көшіп келіп, мектепке барады. Мектеп бітірісімен Абай атындағы педагогикалық училищеге оқуға түсіп,1955 жылы үздік аяқтап, жолдамамен Жезқазған қаласына келіп отбасын құрып қаладағы №26 гимназияда 45 жыл бойы бастауыш сынып мұғалімі болып еңбек етті. «Еңбек ардагері» және «Тыл еңбеккері» медалдерінің иегері. Жастайынан еңбекке араласып, өмірдің бар ауыртпалығын көзімен көрді. Шәкірттері лауызымдық қызметтерде еңбек етуде. Бүгінде немере-шөберелерінің аяулы әжесі.
Майдандағы жеңіске тыл еңбеккерлерінің қосқан үлесі зор. Соғыс жылдарында ерен еңбек үлгісін көрсеткен құрметті ардагерлерге денсаулық тілей отырып, шексіз алғысымызды білдіреміз.
«Жезқазған аймақтық білім және ғылым
қызметкерлерінің жергілікті кәсіптік одағы» ҚБ
қызметкерлерінің жергілікті кәсіптік одағы» ҚБ
-
Фото
-
