ҰРПАҚТАР ҰМЫТПАЙТЫН ҰЛЫ ЖЕҢІС
Ерлік - елге мұра, ұрпаққа - үлгі. Жеңіс күні адалдық пен еліне деген жанқиярлықтың үлгісін көрсеткен қаһармандардың рухы алдында бас иіп, тағзым етеміз. Ардагерлерімізге алғысымызды айтып, қамқорлық жасау парызымыз.
"Қазақстандық салалық білім және ғылым қызметкерлері кәсіптік одағының Қызылорда облыстық ұйымы" ҚБ төрайымының орынбасары Н.Өтегенова Шиелі ауданында болып, «Қызыл жұлдыз», «Бірінші дәрежелі Отан соғысы» ордендерінің және ондаған әскери медальдардың иесі Сәрсенбек Байжановтың отбасында болып, ардагерге Сыр ұстаздарының құттықтау тілегін жеткізді.
Майдангер қария – жарты ғасыр ғұмырын жас ұрпақтың білімі мен тәрбиесіне арнады. Аудандағы №156 қазақ орта мектебінде 38 жыл мұғалімдік қызмет атқарған. Қолы қалт еткен уақытта өткен өмірінен естелік жазған ұстазымыздың майданнан өлеңмен жазған хаттары да сақтаулы екен.
Сонымен қатар білім кәсіподағы облыстық білім басқармасымен бірлесе отырып, қаладағы білім саласындағы бірқатар Тыл ардагерлерінің отбасына арнайы сыйлықтар мен «Балқаймақ» өнімдерінен әзірленген ауызашар дәмдерін жеткізді.
"Қазақстандық салалық білім және ғылым қызметкерлері
кәсіптік одағының Қызылорда облыстық ұйымы" ҚБ
кәсіптік одағының Қызылорда облыстық ұйымы" ҚБ
-
Фото
-
