БӘЙГЕ АЛАҢЫНДА БАСКЕТБОЛШЫ ҚЫЗДАР
Түркістан қаласының "Адами әлеуетті дамыту бөлімінің" бұйрығы бойынша Ж.Еділбаев атындағы №18 мектеп гимназиясының қыздар командасы баскетболдан қалалық мектеп лигасына қатысып, 32 мектеп ішінен үздік бірінші орынға ие болып, облысқа жолдама алған болатын.
9-11 сәуір аралығында олар облыстық жарысқа барып ,16 командамен бақ сынасты. Қыздар ширек финалда Сайрам ауданымен кездесіп, 12-21 есебімен жеңіп финалға шықты. Шешуші кезеңде Түлкібас командасымен ойнап, 16-24 есебімен айқын басымдылықпен жеңіске жетіп Республикалық «Алтын доп» ұлттық мектеп лигасына жолдама алды.
Ендігі кезекте баскетболшы қыздар Орал қаласында өтетін мектеп лигасына дайындақ үстінде.
Нұр-сұлтан қаласында 19-27 сәуір аралығында мектептің 9-11 сынып қыздары «Шұбар доп» мектеп лигасына қатысып, чемпион атанып келген болатын. Енді 10-20 мамыр аралығында Орал қаласында өтетін республикалық "Алтын доп" мектеп лигасында бақ сынамақ.
Бұл додаға "Қазақстандық салалық білім жəне ғылым қызметкелері кәсіптік одағы" ҚБ Түркістан облыстық ұйымы қаржылай көмек көрсетіп, демеушілік жасап отыр. Баскетболшыларға додада жеңіс тілейміз!
"Қазақстандық салалық білім жəне ғылым қызметкелері кәсіптік одағы" ҚБ Түркістан облыстық ұйымы
-
Фото
-
