КӘСІПОДАҚ ҚОЛДАУ КӨРСЕТТІ
«Еңбектің үлкен – кішісі болмайды, тиісінше оны атқаратын қызметкердің де еңбегі лайықты бағаланып отыруы керек.
Кәсіподақ – барлық еңбек адамының құқықтары мен құндылықтарының теңдей сақталуына жәрдемші», - дейді бастауыш кәсіподақ ұйымының төрағасы – Талғат Рахимов.
Батыс Қазақстан облысы, Қазақстан инновациялық және телекоммуникациялық жүйелер университеті қызметкерлерінің бастауыш кәсіподақ ұйымы мекемеде электрик болып қызмет ететін – Жұмабек Өтеғалиевке «Ақжайық» шипажайына емделуге тегін жолдаманы табыстады.
Өтеғалиев Жұмабек Сәменұлы – өз ісінің шебері, нағыз адал еңбектің адамы. Дегенмен, денсаулығы сыр беріп, инсульті асқынған қызметкерге дәрігерлер де осы уақытқа дейін ем-дом қабылдап, шипажайларда демалып, денсаулығын күту жөнінде ескертулер айтып келген еді. Мекеме қызметкерлерінің бастауыш кәсіподақ ұйымының төрағасы – Талғат Хасанұлының жетекшілігімен, кәсіподақ комитетінің шешімімен Жұмабек Сәменұлы ағымдағы жылдың 19 сәуірінен бастап «Ақжайық» шипажайында демалып, денсаулығын қалпына келтіруде.
Сонымен қатар, кәсіподақ комитетіне дәл осындай өтінішпен мекеменің аула сыпырушысы – Владимир Георгиевич те келген болатын. Бастауыш кәсіподақ ұйымының шешімімен қызметкерге денсаулығын қайта қалпына келтіру үшін қаржылай қолдау көрсетілді.
БҚО КӘСІПОДАҚ ҰЙЫМЫ
