КӘСІПОДАҚ АРДАГЕРЛЕРІ ҰЛЫҚТАЛДЫ
Бүгін Атырау облыстық Кәсіподақтар үйінде аймақтың халық ағарту саласында және кәсіподақ ұйымдарында ұзақ жылдар абыройлы еңбек еткен ардагерлер бас қосты. Кездесуде сөз алған «Қазақстандық салалық білім және ғылым қызметкерлері кәсіптік одағы Атырау облыстық ұйымы» қоғамдық бірлестігінің төрағасы Қ.Сүндетұлы білім беру мекемелеріндегі кәсіподақ ұйымдарының жұмысынан қысқаша хабарлама жасап, ардагерлердің қоғамдық өмірдегі белсенділіктеріне және жас ұрпақты тәрбиелеудегі сіңірген еңбектеріне тоқталды.
Салалық ұйымның Атырау қалалық комитеті филиалының төрағасы Б.Ғ. Мұсағалиев шараға қатысушыларды 1 мамыр – Қазақстан халқының бірлігі, 7 мамыр – Отан қорғаушылар және 9 мамыр – Жеңіс күнімен қызу құттықтап, ардагерлерге кәсіподақ комитетінің Алғыс хат және ескерткіш сыйлықтарын табыс етті.
Бұдан кейін сөз сөйлеген еңбек ардагерлері Х.Ғабдолла, М.Губайдуллин, Т.Сүйеуғалиев, Б.Даулетбаев Салалық кәсіподақ ұйымының басшыларына мереке қарсаңында көрсеткен құрметтеріне шынайы алғысын білдірді.
«Қазақстандық салалық білім және ғылым қызметкерлері
кәсіптік одағы Атырау облыстық ұйымы» ҚБ
кәсіптік одағы Атырау облыстық ұйымы» ҚБ
