ЕҢБЕКТІ ҚОРҒАУ ЖӨНІНДЕГІ ҮЗДІК ТЕХНИКАЛЫҚ ИНСПЕКТОР АНЫҚТАЛДЫ
Білім беру ұйымдарындағы еңбекті қорғау жөніндегі техникалық инспекторлардың мәртебесін нығайту мақсатында «Жезқазған аймақтық білім және ғылым қызметкерлерінің жергілікті кәсіптік одағы» ҚБ-ның «Жезқазған қалалық білім қызметкерлерінің кәсіподақ ұйымы» филиалы мен Жезқазған қаласының білім бөлімі бірлесіп 28 сәуір - Дүниежүзілік еңбекті қорғау күні қарсаңында бастауыш кәсіподақ ұйымдарының арасында «Еңбекті қорғау жөніндегі үздік техникалық инспекторы» байқауы өткізілді.
Байқаудың мақсаты: Еңбек кауіпсіздігі мен еңбекті қорғау саласындағы негізгі бағыттардың бірі-білім саласындағы еңбекті қорғау жағдайына ішкі бақылау тиімділігін арттыру, өндірістік жарақаттың алдын алу.
Байқау барысында жұмыстарында үздік көрсеткіштері бар Кәсіподақтың мүшелік ұйымдарының 40 техникалық инспекторлары қатысты. Байқау – бұл тек жарыс қана емес, сонымен қатар, кәсіби деңгейде тәжірибе алмасу мүмкіндігі болды. Осы байқаудың көмегімен техникалық инспекторлардың әдістемелік қызметі ынталандырылды. Байқау арқылы қатысушының да, байқауға ұсынған білім беру ұйымының да рейтингі жоғарлайды. Жарыстың қорытындысы бойынша орындар келесідей бөлінді:
Бас жүлде - Ахметова Эльмира Әкімбекқызы - №13 жалпы білім беретін мектебінің техникалық инспекторы;
1 орын - Мырзабекова Динара Асқарбекқызы - №1 жалпы білім беретін мектебінің техникалық инспекторы;
2 орын - Мерғалиева Салтанат Сайфуллақызы - №21 жалпы білім беретін мектебінің техникалық инспекторы мен №9 мектеп-интернатының техникалық инспекторы Сейдахмет Сапабек Асқарұлы;
3 орын - Сәдірислам Думан Ғаниұлы -№8 гимназияның техникалық инспекторы мен №24 жалпы білім беретін мектебінің техникалық инспекторы Главатчук Ирина Владимировна иеленді. Жеңімпаздар бағалы сыйлықтар және алғыс хаттармен марапатталды.
Республикалық байқаудың қалалық кезеңінде жеңіске жеткен барлық қатысушылары мен жеңімпаздарын құттықтаймыз!
Бас жүлде иегері Ахметова Эльмира Әкімбекқызына байқаудың келесі кезеңінде жеңіс тілейміз.
-
Фото
-
