БІЗДІҢ КҮШІМІЗ - БІРЛІКТЕ!
Ақтау қалалық білім бөлімінің КММ №6 жалпы білім беру мектебінің бастауыш кәсіподақ ұйымының төрайымы Ермағанбетова Алтынай Бейсенбайқызы 25 жыл еңбек өтілі бар, зерттеуші санаттағы ұстаз.
Еңбек пен бақыт егіз ұстанымымен 2016 жылдан бері мектепте өз әріптестерінің игілігі үшін тер төгіп келеді. Оның қолғабыс болуымен мектепте көптеген іс - шаралар атқарылуда. 2017 жылы Нұр-Сұлтан қаласында өткізілген ЭКСПО көрмесіне еңбек пәнінің мұғалімі Масақбаева Ұшыға Елеуқызына тегін жолдама ұсынылса, мектепішілік мерекелік шараларда арнайы концерттік бағдарламалар ұйымдастыруға күш салынып, кәсіподақ мүшелерін арнайы сыйлықтармен марапаттау игі дәстүрге айналған.
Пандемия кезінде кәсіподақтың атсалысуымен мектебімізде қызметкерлерінің жалақысы толық сақталды.
Кәсіподақ белсендісі әрі шебер ұстаз деп танылған Алтынай Бейсенбайқызының еңбегі елеліп, қалалық, облыстық, республикалық деңгейдегі түрлі Алғыс хаттармен, Қазақстан Республикасы Білім және ғылым министрлігі және Салалық кәсіподақтың «Құрмет грамотасымен» марапатталды. Өз жұмысымен қатар мектептегі қызметкерлердің жүрегінен жол таба білсем деп еңбектеніп келеді.
Ол Елбасы зор сенім артқан кәсіподақ жұмысын бүгінгі уақыт пен заман талабына сай ұйымдастырып, әлеуметтік-экономикалық мәселелерді қарапайым еңбек адамдары тағдырына қатысты мәселелерін оң шешімінің табылуына атсалысып, қызметкерлердің құқықтық және қаржылық жағынан қорғалуы жолында табанды қызмет атқаруда.
«Мәңгілік ел» идеясын жүзеге асыруда әлеуметтік маңызы бар пәрменді ұйымның алда талай атқарар ісі, арқалаған жүгі көп. Ұйымшыл ұжымымыздың кәсіподақ мүшелері атынан Алтынай Бейсенбайқызының қызметіне табыс, әр бастамасына сәттілік тілейміз.
Ақтау қалалық ББ №6 орта мектеп ұжымы,
Маңғыстау облысы.
-
Фото
-
