«ЕҢ ҮЗДІК БАСТАУЫШ КӘСІПОДАҚ ҰЙЫМЫ-2021» БАЙҚАУЫНЫҢ АЙМАҚТЫҚ КЕЗЕҢІ ӨТІП ЖАТЫР
Бастауыш кәсіподақ жылына орай, Ақтөбеде «Ең үздік бастауыш кәсіподақ ұйымы-2021» байқауының аудандық кезеңі өтуде. Басты мақсат- Қазақстандық салалық білім және ғылым қызметкерлері кәсіподағы ұйымдарының мәртебесін арттыру және жағымды имиджін қалыптастыру, кәсіподақ ұйымдарының белсенді қоғамдық ұстанымын насихаттау, байқау шараларына кәсіподақтың жаңа мүшелерін, жастарды барынша тарту. Мәселен, Әйтеке би ауданында Қ. Шаңғытбаев атындағы жалпы білім беретін мектебінің кәсіподақ ұйымы аудан бойынша «Ең үздік бастауыш кәсіподақ ұйымы» атанды. Ал Талдысай мектебінің ұжымы әзірлеген кәсіподақ қызметі туралы бейнеролик үздік деп танылды.
Сондай-ақ, Темір ауданының "Үздік бастауыш кәсіподақ ұйымы" анықталды. Байқауға аудандағы білім беру мекемелерінің бастауыш кәсіподақ ұйымдары қатысып, өзара іс-тәжірибелерімен бөлісті. Шара барысында барлық санитарлық талаптар сақталды.
Үздік ұйым еңбек құқығын қорғау бағытындағы жұмыс портфолиосы мен видео роликтер арқылы зерделенді. Сайыс қорытындысы бойынша жүлделі орын иеленген бастауыш кәсіподақ ұйымдары дипломмен және сыйақылармен марапатталды.
Мұғалжар ауданында да «Үздік бастауыш ұйым» және кәсіподақтың қызметі туралы бейнеролик байқауының аудандық кезеңі өтуде. Мұғалжар аудандық білім қызметкерлері кәсіподағы ұйымының жанынан құрылған әділқазылар алқасы білім мекемелері тапсырған құжаттарды қарап зерделеуде. Үздік шыққан мекемелерге байқаудың облыстық кезеңіне жолдама беріледі.
-
Фото
-
