ТЕХНИКАЛЫҚ ИНСПЕКТОРЛАРМЕН СЕМИНАР
Бүгін, 20 сәуір күні, «Кәсіподақтар үйі» ғимаратының мәжіліс залында Салалық білім қызметкерлері кәсіподағының Маңғыстау облыстық ұйымының ұйымдастыруымен бастауыш кәсіподақ ұйымының төрағалары, техникалық инспекторлармен «Еңбекті қорғау жөніндегі техникалық инспекторлардың міндеттері мен құқықтары және қоғамдық бақылауды жүзеге асыру тәртібі» тақырыбында облыстық семинар өтті.
Семинарға Салалық білім және ғылым қызметкерлері кәсіптік одағының Маңғыстау облыстық ұйымы» ҚБ төрайымы Т.Байымбетова және құқықтық мәселелер жөніндегі бас маман Н.Храмова, ұйымдастыру қызметтері жөніндегі маман А.Аманиязова қатысты. Асылтас Базарбайқызы өз сөзінде пандемия жағдайында білім беру қызметкерлерінің еңбек қауіпсіздігі және еңбекті қорғау туралы, Еңбекті қорғау жөніндегі техникалық инспектордың міндеттері мен құқықтары және қоғамдық бақылауды жүзеге асыру тәртібі туралы айтты.
Сонымен қатар, Наталья Станиславовна «Жеке еңбек дауларын шешу жөніндегі келісу комиссияларының жұмысы және оны қалыптастырудың әдістемелік ұсыныстары» бойынша нақты түсініктер беріп өтті.
Маңғыстау политехникалық колледжінің Еңбекті қорғау жөніндегі техникалық инспекторы Д.Зейноллин «COVID-2019 пандемиясы кезеңіндегі кәсіподақ ұйымдарының құқықтық жадынамасы» бойынша өзінің тәжірибесімен бөліссе, Ақтау технологиялық қызмет көрсету колледжінің бастауыш кәсіподақ ұйымының төрайымы Р. Рзаева колледжде санитарлық-эпидемиологиялық талаптардың орындалуы мен сақталуы жөнінде айтты.
Семинар барысында қойылған түрлі сауалдарға толық жауаптар берілді.
Еңбекті қорғау-құқықтық, әлеуметтік-экономикалық, ұйымдастырушылық, техникалық, санитарлық-гигиеналық, емдеу-профилактикалық, оңалту және өзге де іс-шараларды қамтитын еңбек қызметі процесінде қызметкерлердің өмірін, денсаулығын және еңбекке қабілеттілігін сақтау жүйесі болып табылады. Бұл мәселе әрқашанда кәсіподақ назарында.
“Қазақстандық салалық білім және ғылым қызметкерлері
кәсіптік одағының Маңғыстау облыстық ұйымы”ҚБ
