«ҚАЗАҚ ӘДЕБИЕТІ ПӘНІНІҢ ҮЗДІК МҰҒАЛІМІ-2021» ОБЛЫСТЫҚ БАЙҚАУЫ
Облыстық білім басқармасының 2021 жылғы 19 қаңтардағы №13-нқ/1 және Білім және ғылым қызметкерлері кәсіподағының облыстық комитетінің 2021 жылғы 26 қаңтардағы №18-нқ бірлескен шешімін жүзеге асыру мақсатында 2021 жылдың 13 сәуірі күні облыстық оқу орталығының (әдістемелік кабинет) базасында «Қазақ әдебиеті пәнінің үздік мұғалімі-2021» облыстық байқауы болып өтті.
Байқау мақсаты: оқыту мен оқу үдерісінде жоғары жетістіктерге қол жеткізген, өзінің кәсіби инновациялық идеяларын ұсына алатын талантты, шығармашыл үздік қазақ әдебиеті пәні мұғалімдерін анықтап, кәсіби шеберлігін шыңдау.
Облыстық кезеңге (аудан, қала) үздік деп танылған 11 қазақ әдебиеті пәнінің мұғалімі қатысты. Байқау 4 кезең бойынша өткізілді.
1-кезең: «Сөз зергері» бөлімінде ұсынылған тақырып бойынша 30 минуттық эссе жазу.
2-кезең: «Бір сабақ - бір әлем» мұғалімдердің ықшам сабағы.
3-кезең: Мұғалімнің шығармашылық шеберханасы.
Тәуелсіздігіміздің 30 жылдығына орай «Тәуелсіздігіміздің 30 жылдығына – 30 кітап» рухани-мәдени акциясы аясында жалпыхалықтық оқуға ұсынылған кітаптарға буктрейлер жасау (1-2 минуттық электронды бейнежазбасы болуы шарт).
4-кезең: Мәнерлеп оқу. Өздері таңдаған шығармаларды (прозалық немесе поэзиялық шығарма) мәнерлеп оқу.
Қазылар алқасының құрамында:
Қамзаева Күлшат Салыққызы- Қорқыт ата атындағы Қызылорда Мемлекеттік университетінің оқытушысы ф.ғ.к.
Ахунов Бақытжан Кенжебекұлы - М.Мәметова атындағы Қызылорда педагогикалық жоғары колледжінің қазақ тілі мен әдебиеті пәнінің оқытушысы
Сайдалиева Эльмира Өміртайқызы- Қызылорда қаласы №3 ІТ мектеп-лицейінің қазақ тілі мен әдебиеті пәнінің мұғалімі.
Байқау нәтижесі бойынша:
І орын иегері – Бақытова Ардақ, Жалағаш ауданы №38 орта мектебінің қазақ тілі мен әдебиеті пәнінің мұғалімі;
ІІ орын –Сәбитқызы Айгерім, Сырдария ауданының, №36 мектеп-лицейдің қазақ тілі мен әдебиеті пәнінің мұғалімі;
ІІІ орын – Өксікбаева Салтанат, Арал ауданының №262 мектеп – лицейдің қазақ тілі мен әдебиеті пәнінің мұғалімі.
Жеңімпаз ұстаздар облыстық білім басқармасы мен білім кәсіподағының арнайы дипломдарымен және кәсіподақ комитетінің сыйлықтарымен марапатталды.
-
Фото
-
