БІЗДІҢ КҮШІМІЗ - БІРЛІКТЕ!
Кәсіподақ мүшелерінің еңбек және әлеуметтік-экономикалық құқықтары мен мүдделерін қорғау жөніндегі бастауыш кәсіподақ ұйымдарының қызметін күшейтіп, бастауыш кәсіподақ ұйымдарының жарғылық мақсаттар мен міндеттерді орындау бойынша жұмыс тиімділігін арттыру, еңбек ұжымдарында бастауыш кәсіподақ ұйымдарының беделін арттыру, кәсіподақ жұмысының озық тәжірибелерін тарату мақсатында «Кәсіподақтың үздік бастауыш ұйымы» атты аудандық байқау-сайысы өтті.
Байқауға 19 команданың арасынан портфолио тапсыру сынағынан өткен бастауыш ұйымдар өзерінің үздік екенін дәлелдеу үшін сахна төріне жарысқа шықты. Байқау төрт кезеңнен тұрды «Тестілеу», «Біздің күшіміз - бірлікте!» тақырыбы аясында бастауыш ұйымның портретін әзірлеп, презентациялау мен кәсіподақ қызметі туралы үздік бейнеролик көрсету және «Құқықтық жағдаят».
Байқау барысында барлық қатысушы бастауыш ұйым мүшелері «сегіз қырлы, бір сырлы» екенін дәлелдей алды. Ал барлық кезеңнен сүрінбей өтіп, үздік шыққан төрт команда жүлделі орындарды иеленді. Байқау нәтижесінде №21 Қарасай орта мектебі - 3 орын, Техникалық шығармашылық және кәсіби білім беру орталығы - 2 орын, №32 В.Маяковский атындағы орта мектебі - 1 орынды иеленді.
Бас жүлдеге ие болған №14 Ә.Нүсіпбаев атындағы орта мектептің бастауыш кәсіподақ төрайымына «Сарыағаш» шипажайына тегін жолдама, ал команданың барлық мүшелеріне Түркістан қаласына тегін туристік сапарға жолдама берілді. Барлық қатысқан командалар түрлі номинациялар бойынша жүлдегер атанып, сыйлықпен марапатталды.
Б. Алпысбаев,
Қордай ауданы,
Жамбыл облысы
-
Фото
-
