АРДАГЕР ПЕДАГОГТАРҒА ҚҰРМЕТ КӨРСЕТІЛДІ
Салалық білім кәсіподағы жас ұрпақты тәрбиелеуге қосқан үлестері үшін педагогикалық еңбек ардагерлеріне алғыс білдіріп, марапаттауды игі дәстүрге айналдырған. Алдыңғы буын ардагерлерге құрмет көрсетіп, олардың тәжірибелі қызметін кейінгі ұрпаққа үлгі ету - маңызды міндет.
Осы иі дәстүрге сәйкес жуырда «Қазақ ұлттық қыздар педагогикалық университеті жергілікті кәсіптік одағы» ҚБ білім саласында ұзақ жылдар қажырлы еңбек етіп, білім беру жүйесін дамытуға қосқан елеулі үлестері үшін және білім қызметкерлерінің әлеуметтік-экономикалық құқықтары мен мүдделерін қорғауда ерекше белсенділік танытқан білім саласының қызметкерлері мен кәсіподақ мүшелерін құрметтеп ынталандыру мақсатында салтанатты жиын өткізді. Шараға әр құрылымдық бөлімше, институттар мен жоғары мектептердің кәсіподақ ұйымдарының өкілдері және келісім комиссиясының мүшелері қатысты.
Ұлағат ұясына айналған білім мен ғылымның қарашаңырағы Қазақ ұлттық қыздар педагогикалық университеті 2019 жылы 75 жылдық мерейтойын атап өткен еді. Салалық білім және ғылым қызметкерлерінің кәсіптік одағы ұстаздар ұстаханасына айналған қазақ қыздары қарашаңырағының мерейтойында университет қабырғасында жемісті жұмыс істеп, білім саласының дамуына үлес қосқан ардагер педагогтарды құрметтеп, төсбелгілермен марапаттаған.
Қоғам қызметкерлері мүддесі үшін қызмет етіп, ұжымдық рухты көтеріп, қандай игі істердерде де қолдау білдіріп отырған кәсіподақ ұжымына университет профессор-оқытушылар құрамы ерекше әсермен өз ризашылықтарын білдірді.
-
Фото
-
