АУҒАН СОҒЫСЫНЫҢ АҚИҚАТЫ
Күш-жігері мен әл-қуаты мол, Отан алдындағы борышын адал атқарған және өз болашағына имандай сенген жас ұрпақ осынау саяси ойынның құрбандығына шалынды. Мыңдаған жас жат елде жан тапсырып, қаншама қандасымыз ұрыс даласынан жарақатпен оралды. Қаза тапқандардың ата-ана, жақындарының қайғысын сөзбен жеткізу мүмкін болмас. Ұрыста қаза тапқан қаруластарын жүректерінде мәңгі сақтайды.
19 Наурыз күні С.Торайғыров атындағы тірек мектебінде Бұқар жырау ауданы білім бөлімі және аудандық кәсіподақ комитетінің ұйымдастыруымен кеңес әскерінің Ауғанстан аумағынан шығарылуына 32 жыл, Қазақстан Республикасының Тәуелсіздігіне 30 жыл толуына орай ауданымыздағы жалпы білім беретін Алғашқы әскери тәрбие даярлығы пәні мұғалімдері арасында әскери төрттік көпсайысы өткізілді. Сайысқа жалпы ауданымыздың мектептерінен АӘТД пәнінің 19 мұғалімі қатысып, бақтарын сынады.
Ашылу салтанатында Бұқар жырау ауданы білім қызметкерлерінің кәсіподақ комитетінің төрайымы Э.Хамитова және білім бөлімінің әдіскері Е.Тілешев сөз алып, жарысқа қатысушыларға сәттілік тіледі. Жалпы сайыс 4 номинацияға бөлінген, атап айтсақ тест сұрақтары, пневматикадан оқ ату, АК-74 шашып-жинау және оқ жатарды жинау. Әскери сайыстың қорытындысы бойынша марапаттау кезеңінде аудандық кәсіподақ комитетінің төрайымы мен білім бөлімінің әдіскері сайыс жыл сайын дәстүрге айналып өткізіліп тұратыны туралы айтты. Жалпы жарыс қорытынды бойынша III орынға Шешенқара ЖББМ АӘТД пәні мұғалімі Ғ.Асқаров, II орынға Березняк ЖББМ АӘТД пәні мұғалімі Е.Төлеген, I орынға Ы.Алтынсарин атындағы ЖББМ АӘТД пәні оқытушысы С.Шакенов ие болып, облыстық сайысқа қатысуға жолдама алды.
Мұғалімдер арасында өзара тәжірибе алмасу, Ауған соғысына қатысқан Отандастарымыздың ерлігін дәріптеу мақсатында осындай әскери патриоттық сайыстар жалғасын таба бермек.
Е.Тілешев,Бұқар жырау ауданы
білім бөлімінің әдіскері,Қарағанды облысы
-
Фото
-
