КӘСІПОДАҚТЫҢ – ӘЗ НАУРЫЗ КҮНГІ СЫЙЛЫҒЫ
Елімізде барша халықтың әз-Наурыз күні бір-біріне сый-сияпат жасауға асығатын жақсы дәстүрі бар. Осы орайда «Қазақстандық салалық білім және ғылым қызметкерлері кәсіптік одағының Атырау облыстық ұйымы» қоғамдық бірлестігі аймақтағы білім беру мекемелерінде еңбек ететін педагогтар санатына жатпайтын басқа мамандық иелеріне ерекше қуаныш сыйлады.
Оларға Жамбыл облысындағы «Мерейлі Мерке» емдеу-сауықтыру орталығына – 30, Батыс Қазақстан облысындағы «Ақжайық» шипажайына – 50 тегін демалу жолдамасы табыс етілді. Сондай-ақ аталған қызметкерлердің ПЦР тестін тапсырып, медициналық анықтамасын алуға да кәсіподақ бюджетінен қаражат бөлінді.
Осылайша кәсіподақ мүшелері бүкілхалықтық мереке күні өз денсаулықтарын түзеп алуға мүмкіндік алды. Ұлыс оң болсын!
-
Фото
-
