ТҮРКІСТАНДА САЛА ҚЫЗМЕТКЕРЛЕРІ МАРАПАТТАЛДЫ
Ұлтымыздың мерейін өсіріп, бар болмысымызды айшықтайтын қасиетті- Наурыз мерекесі қарсаңында "Қазақстандық салалық білім жəне ғылым қызметкелерінің Түркістан облыстық ұйымы" жəне
"Түркістан қалалық білім жəне ғылым қызметкерлері кəсіподағы" білім саласы қызметкерлерін марапаттады.
"Қазақстандық салалық білім жəне ғылым қызметкелерінің Түркістан облыстық ұйымы" төрағасы А.Абпазов білім саласы қызметкерлерін айтулы мерекемен құттықтап, қасиетті күннің маңыздылығына тоқталды. Сала қызметкерлерінің саналы ұрпақ тәрбиелеудегі үлестері зор екенін атап өтіп, Салалық кәсіподақтың "Білім жəне ғылым қызметкерлерінің кəсіподағына сіңірген еңбегі үшін" төсбелгісімен марапаттады.
"Қазақстандық салалық білім жəне ғылым қызметкелерінің Түркістан облыстық ұйымы" төрағасының орынбасары Ж.Шайдулла бұл марапат білім саласында қызмет атқаратын қызметкерлердің, шəкірттердің, қолдау көрсететін ата- аналардың зор еңбегінің нəтижесі екенін айтып, "Қазақстандық салалық білім жəне ғылым қызметкелерінің Түркістан облыстық ұйымының "Алғыс хатын" тапсырды.
"Түркістан қаласының білім жəне ғылым қызметкерлері кəсіподағы" комитетінің төрайымы Д.Турманова да әріптестерді жарқын мерекемен құттықтап, Түркістан облысының адами əлеуетті дамыту басқармасының "Құрмет грамотасын" тапсырды.
Салтанатты жиында білім қызметкерлері мерекелік көңіл - күйде болды.
Наурыз мерекесі Отанымызға- береке, халқымызға - игілік, мемлекетімізге- молшылық, əр шаңыраққа бақыт пен шаттық əкелсін!
