ҰЖЫМДЫҚ ШАРТ – БАСТЫ ҚҰЖАТ
Жұмыс беруші мен жұмысшы арасындағы байланысты тереңдетіп еңбек жағдайын жасау, қауіпсіздік техникасын сақтау, әлеуметтік кепілдіктер мен жеңілдіктерді ұсыну сияқты еңбек қатынастарын реттеудегі басты құжат – ұжымдық шарт.
Салалық білім және ғылым қызметкерлері кәсіптік одағының Маңғыстау облыстық ұйымы қоғамдық бірлестігі мен Ақтау қалалық филиалы апта ішінде барлық облыстық, қалалық мүшелік бастауыш кәсіподақ ұйымдарының төрағаларына «Ұжымдық шартты әзірлеу және жасау тәртібі» бойынша жиналыс өткізді.
Жиын барысында ұжымдық шарт-еңбек қатынастарының маңызды құралы екені айтылып, ұйымдағы әлеуметтік және еңбек қатынастарын реттейтін құжатты әзірлеуге қатысты ақпараттар берілді.
Бастауыш кәсіподақ ұйымының міндеті ұжымдық шарттың орындалысын бақылау екендігі және ұжымдық шартты жасақтау тәртібі, хаттамалар үлгісі бойынша түсіндірме жұмыстары жүргізілді. Құқықтық құжатты әзірлеу және жасақтау тәртібіне қатысты әдістемелік нұсқаулықтар дайындалып, қатысушыларға таратылды.
Жиналыс соңында ашық сұрақтар мен ұсыныстары тыңдалып, ұжымдық шарт-кәсіподақ ұйымының тиімді жұмысының көрсеткіші екендігі аталып өтті.
Өңірде қабылданған әлеуметтік әріптестік туралы барлық құқықтық құжаттар Еңбек кодексінен бастап барлық заңнамалық және нормативтік құқықтық актілерге сәйкес кәсіподақ мүшесі болып табылатын сала қызметкерлерінің әлеуметтік-еңбек құқықтары мен кәсіби мүдделерін қорғауға, оларға қосымша әлеуметтік-экономикалық, құқықтық және кәсіби кепілдіктер, жеңілдіктер мен артықшылықтар, оңтайлы еңбек жағдайларын жасауға бағытталған. Бұл игілікті шара алдағы уақытта облыстың өзге аудандарында да жалғасатын болады.
Әлеуметтік әріптестермен бірлесіп қабылданған ұжымдық шарттар еңбек ұжымын әлеуметтік-құқықтық, әлеуметтік-экономикалық кепілдіктермен қамтамасыз ететініне сенеміз.
“Қазақстандық салалық білім және ғылым қызметкерлері
кәсіптік одағының Маңғыстау облыстық ұйымы”ҚБ
кәсіптік одағының Маңғыстау облыстық ұйымы”ҚБ
-
Фото
-
