КӘСІПОДАҚ КЕҢЕСІ МЕН АТҚАРУ КОМИТЕТІ ОТЫРЫСЫ ӨТКІЗІЛДІ
2021 жылғы 3 наурыз күні "Қазақстандық салалық білім және ғылым қызметкерлері кәсіподағының Павлодар облыстық ұйымы" қоғамдық бірлестігінің Кеңесі мен Атқару Комитетінің отырыстары өткізілді. Кеңес және Атқару комитетінің құрамына облыстық білім басқармасы басшысының орынбасары Г.Баширова кіргізілді.
Облыстық ұйым кеңесінің құрамы кәсіподақтың кейбір бастауыш ұйымдарының жаңадан сайланған төрағаларының кіруіне байланысты өзгерді.
Отырыстарда білім басқармасы мен облыстық кәсіподақ ұйымы арасындағы Салалық келісімді іске асыру қорытындылары қаралды, кәсіподақтағы кәсіподақ мүшелігінің жай-күйіне статистикалық талдау жүргізілді, білім беру ұйымдарының техникалық инспекторлары арасында облыстық конкурс өткізу туралы шешім қабылданды. Жылды қорытындылай келе, қойылған міндеттердің барлығы орындалғаны атап өтілді.
Білім беру ұйымдарының қашықтан жұмыс істеуі кезеңінде кәсіподақ ұйымдарының жұмысындағы басты басымдықтар қиын жағдайға тап болған кәсіподақ мүшелерін еңбек, әлеуметтік және моральдық қолдау мәселелері болды. Кәсіподақтың облыстық кеңесі кәсіподақтың Орталық органдарымен бірлесіп, еңбекақы төлеу, әлеуметтік кепілдіктермен қамтамасыз ету бойынша туындайтын көптеген проблемаларды шешті, олар кейіннен Қазақстан Республикасы Білім және ғылым министрлігімен және жергілікті білім беру органдарымен Салалық келісімдерде көрініс тапты. Ең бастысы, көптеген мәселелерді шешу кезінде әлеуметтік әріптестер: оқу орындарының басшылары мен кәсіподақ комитеттері арасындағы келісілген іс-әрекеттер мен бірауыздылық болды.
Кеңес отырысында қызметкерлердің еңбек және әлеуметтік құқықтарын қорғау бойынша үлкен бірлескен жұмыс жүргізген, білім беру ұйымдары қызметінің дамуына елеулі үлес қосқан әлеуметтік әріптестердің жұмысы атап өтілді.
Алғыс хаттармен және санаториялық-курорттық емделуге арналған жолдамалармен Ақсу қаласының, Павлодар қаласының, Май, Павлодар, Ақтоғай аудандарының, Б. Ахметов атындағы педагогикалық жоғары колледжінің, Павлодар технологиялық колледжінің, Шарбақты аграрлық-техникалық колледжінің басшылары және кәсіподақ ұйымдарының төрағалары марапатталды.
Павлодар облыстық білім және ғылым қызметкерлері
кәсіподағының ұйымының баспасөз қызметі
кәсіподағының ұйымының баспасөз қызметі
-
Фото
-
